Нэгдсэн Үндэстний Байгууллагын соёл, боловсрол, шинжлэх ухааны байгууллага ЮНЕСКО-д байгалийн үзэсгэлэн, түүхийн дурсгал, биет соёлын агууламжаар дэлхийд үлэмж үнэ цэнэтэй соёлын болон байгалийн өвийг бүртгэдэг. ЮНЕСКО-ийн дэлхийн өвд Монгол орноос дараах газрууд багтдаг байна. 

Увс нуурын ай сав газар- (Uvs Nuur basin) 2003

2003 онд ЮНЕСКО-оос Увс нуурын сав газрыг ЮНЕСКО-д бүртгэсэн байна. Төв Азийн хамгийн том хөндөгдөөгүй усны хагалбар, дэлхийн түүхэнд тод ул мөр үлдээсэн нүүдэлчид Хүннү, Түрэг , Скипүүдийн уугуул нутаг болох Увс нуурын сав нь байгалийн үзэмж төгсөөс гадна Увс нуур нь 40000 гаруй археологийн дурсгалыг агуулдаг байна. Тиймээс дэлхийн өвийн IX, X шалгуурыг хангаж Европ, Умард Америкийн бүс нутгийн байгалийн цогцолбор өвд багтаажээ. 

Орхоны хөндийн дурсгалт газар (Orkhon Valley Cultural Landscape)- 2004

 2004 онд Орхоны хөндийн дурсгалт газрыг ЮНЕСКО-д бүртгэсэн байна. Орхон голын хөндий нь Төв Азийн 2000 жилийн турш нүүдэлчдийн соёл иргэншил хэрхэн хувьсан өөрчлөгдөж байсныг илтгэх хосгүй нандин дурсгалуудыг агуулдаг байна. Тухайлбал, Орхоны хөндийд наймдугаар зууны үед оршин тогтнож байсан Хөх Түрэгийн эзэнт гүрний Билгэ хаанд зориулсан Руни бичээс бүхий чулуун хөшөө байдаг аж.  

Монгол Алтайн нурууны хадны зургийн цогцолбор (Petroglyphic Complexes of the Mongolian Altai)- 2011

Монгол Алтайн нурууны хадны зургийн цогцолбор хүн төрөлхтний соёл, иргэншлийн түүхийн олон улбааг хадгалсан дурсгалтай.  Тэдгээр нь дэлхий дахинд нийтлэг үнэ цэнэтэй учир 2011 онд ЮНЕСКО-ийн соёлын өвд бүртгэжээ. 

 Их Бурхан Халдун уул, түүний эргэн тойрны ариун нандин газар /Great Burkhan Khaldun Mountain and its surrounding sacred landscape/- 2015

Бурхан Халдун уул болон түүний орчмын ариун газар бол Монгол орны зүүн хойд хэсэгт Хэнтийн нуруунд оршдог, Төв Азийн тал, Сибирийн тайгын уулзвар газар юм. Бурхан Халдун уул болон түүний орчмын уулс, гол горхи, овоонууд нь эртний бөө мөргөл, Буддын шашны заншлаар ариун газар оронд тооцогдож тахигдсаар иржээ. Мөн энэ газарт Чингис хаан төрж бас шарилыг нь онголсон гэдэг. Тиймээс ЮНЕСКО-ийн соёлын өвд 2015 онд бүртгэжээ.