Нэрт сэтгүүлч, нийтлэлч Г.Отгонбаяр агсны хэсэг нөхдийн хамт үүсгэн байгуулсан мэдээллийн iToim.mn сайтын 10 жилийн ой өнөөдөр тохиож байна. 2015 оны нэгдүгээр сарын 26-ны өдөр iToim.mn анхны цацалтаа хийж, уншигчдадаа хүрч эхэлсэн билээ. Энэхүү хугацаанд манай мэргэжлийн баг сэтгүүлзүйн зарчмаар, редакцын зохион байгуулалтаар 45 мянга орчим контент хийж, давхардаагүй тоогоор 350 сая гаруй хандалт авч түүхээ бичжээ. Манай баг 10 жилийн өмнө дэвшүүлсэн хөндлөнгийн болон мэргэжлийн шинжээчдийн байр суурийг эх сурвалжаас нь тоймлож, үйл явдлын учир шалтгааныг тайлж, “ЯАГААД” гэдэг асуултад илүү мэргэжлийн түвшний мэдээлэл, дүгнэлтийг олон нийтэд хүргэдэг цахим сэтгүүлзүйн өнгө аясыг Монголдоо нутагшуулах зорилгоосоо хазайхгүйгээр ажиллаж ирлээ. Мөн аль нэгэн эрх ашиг, улс төрийн нам эвсэл, хувь хүнээс хараат бусаар ажиллаж, нийтийн эрх ашгийн төлөө мэргэжлийн үйл ажиллагаа явуулж байна.
iToim.mn сайтын үүсгэн байгуулагч Г.Отгонбаяр /2012 онд хэлсэн үг/
10 жилийн тогтвортой ажиллагаа ба iToim.mn онцлох 10 баримт iToim.mn 2015 оны нэгдүгээр сарын 26-нд үйл ажиллагаагаа эхлүүлсэн цагаасаа салбартаа болон нийгэмдээ үнэлэгдэж ирсэн билээ. 2015 оны арванхоёрдугаар сард Монголын сэтгүүлчдийн нэгдсэн эвлэлээс iToim.mn-ийг улс төр, эдийн засаг, нийгмийн гол чухал үйл явдлуудад анализ хийн тоймлож, орчин цагийн сэтгүүл зүйд шинэ өнгө төрхийг оруулж, мэргэжлийн ур чадвараа манлайлсан тул “Шилдэг сайт”-аар тодруулсан юм. 2. "Дэлхийн Монгол" булан нээв
iToim.mn 2017 оноос “Дэлхийн Монгол” булан нээж, дэлхийн өнцөг булан бүрд боловсрол эзэмшсэн шилдэг монгол залуусыг урьж ярилцсаар байна. Залуусын олон улсад сурсан, ажилласан туршлага мэдлэг, боловсролын үнэ цэн, хөгжлийн бодлогыг онцолдог. 10 жилийн хугацаанд “Дэлхий Монгол” буланд 133 шилдэг залуу боловсон хүчнийг онцолсон бөгөөд 20 гаруй сая хандалтыг авчээ. Эдгээр ярилцлагаар дамжуулан олон залууст урам зориг, туршлага мэдлэгийг түгээсэн гэдэгтээ итгэлтэй байна. iToim.mn сайтын нийт уншигчдын 20 орчим хувийг хоёр ба түүнээс дээш удаа тогтмол орж уншдаг үнэнч уншигчид бүрдүүлж байна. Мөн iToim-д зочилдог нийт уншигчдын 35 хувь нь шууд хандалт, 33.9 хувь нь веб хайлтаас хандсан уншигчид байгаа нь бусад хэвлэл мэдээллийн хэрэгслүүдтэй харьцуулахад сайн үзүүлэлтэд тооцогдож байна. Цаашид контентын чанараа илүү чанаржуулах замаар манай редакцыг сонгож уншдаг мэдээлэлтэй, хэрсүү хэрэглэгчийн тоогоо тэлэх болно. 4. Үүлэн технологид суурилсан сервергүй сайт
Манай баг технологийн дэвшлийг ашиглан уншигчдадаа сэтгүүл зүйн чанартай бүтээлийг түргэн шуурхай хүргэхийн тулд 2015, 2018, 2023 онд серверийн шинэчлэл хийсэн. 2023 онд хийсэн технологийн шинэчлэлийн хүрээнд iToim нь уламжлалт дотоодын серверт суурилсан системийг халж, үүлэн үйлчилгээ болон (Cloud Service) сервергүй технологит суурилсан (Serverless Technology) Монголын анхны мэдээллийн вебсайт болсон. Ингэснээр дэлхийн топ хэвлэл мэдээллийн хэрэгслүүдийн адил хэдэн сая уншигч зэрэг хандахад хэвийн ажиллах боломж бүрдсэн юм.
iToim сайтын нийт уншигчдын 83.5 хувь нь гар утаснаасаа ханддаг статистикийг үндэслэн 2023 оны зургаадугаар сард iToim App-ийг хэрэглээнд нэвтрүүлээд байгаа билээ. iToim сайтын гар утасны аппликейшнтай болсноор уншигчид сэдэв, нийтлэлчээ сонгон унших боломжтой болсон билээ. iToim-ын технологийн шинэчлэл, хөгжүүлэлтийг “Mezorn” компани хариуцан ажилладаг. 6. Exclusive, Чадлаа, Шүгэл үлээх булангуудаа нээв
iToim.mn сайт сүүлийн хоёр жил уншигчдынхаа эрэлт хэрэгцээнд нийцсэн шинэ булангууд нээн ажиллуулж байна. Нийгмийн анхаарал татсан тухайлсан асуудлаар цогц мэдээлэл өгөх, баримтад тулгуурлан асуудал дэвшүүлэн гаргах Exclusive буландаа “Усан парк авлига хороолол болсон түүх” контент бэлтгэсэн нь олон уншигчаас талархал хүлээн авсан. Мөн иргэн, ААН-ийн үйл ажиллагааг дэмжих "Чадлаа", уншигчидтайгаа эргэх холбоо тогтоох "Шүгэл үлээх" буланг нээгээд байна. 7. Бие даасан, хараат бус хэвлэл
iToim.mn сайт редакцын бодлого болон санхүүгийн хувьд бие даасан бүтэцтэй ажилладаг. Сэтгүүлч, нийтлэлч Г.Отгонбаяр агсан анх iToim.mn сайтыг байгуулснаас хойш манай байгууллага өнөөдрийг хүртэл үйл ажиллагаанаасаа өөрөө өөрийгөө санхүүжүүлж, хараат бусаар сэтгүүлзүйн мэргэжлийн үйл ажиллагаа явуулж байна. 8. iToim олон улсын хөтөлбөрт шалгарав
IFPIM буюу Нийтийн эрх ашгийн төлөөх хэвлэл мэдээллийг дэмжих олон улсын сангийн “IFPIM Монгол” 2023 хөтөлбөрт Монгол Улсаас анх удаа зургаан хэвлэл мэдээллийн байгууллага шалгарсны нэг нь iToim.mn боллоо. Манай сайт энэхүү хөтөлбөрт хамрагдсанаар санхүүгийн хувьд бие даасан байдлаа илүү баталгаажуулж, нийтийн эрх ашгийн төлөөх контентын чанар, хүртээмжийг нэмэгдүүлэх болно. 9. Уншигчаас хэрэглэгч рүү
iToim.mn ирэх жилүүдэд уншигчаа хэрэглэгч болгох зорилт дэвшүүлэн ажиллаж байна. Бид хэрэглэгчээ бүртгэх хөгжлүүлэлтийг нэвтрүүлсэн бөгөөд өнөөдрийн байдлаар 5000 орчим бүртгэлтэй хэрэглэгчтэй болоод байна. Мөн манай баг ирэх хоёр жилдээ багтаан олон улсын хэвлэл мэдээллийн хэрэгслүүдийн өргөнөөр ашигладаг төлбөр төлж уншдаг системийг нэвтрүүлж, хэрэглэгч, уншигчдаасаа санхүүждэг тогтолцоо рүү шилжихээр төлөвлөж байна. Бид цаг, минутаар хувьсан өөрчлөгдөж буй технологийн хөгжилтэй хөл нийлүүлэн ажиллах шаардлагатай нүүр тулж байгаа билээ. Энэ ч утгаараа iToim.mn ирэх жилүүдэд мэдээллийг хялбар хүлээн авах, өөрсдийн бэлтгэсэн нийтлэл, ярилцлага, сурвалжилгыг богино хугацаанд хэрэглэгчдэдээ товч тоймлон хүргэхэд AI буюу хиймэл оюун ухааны дэвшлийг ашиглахаар төлөвлөж байгааг дуулгахад таатай байна. “iToim”-ын түүх, сэтгүүлзүйн зарчим, ёс зүй, мэргэжлийн баг, өөрсдийн бүтээсэн 45 мянга орчим контент, редакцын зохион байгуулалт бол бидний бахархал юм. Энэ түүхийг хамтдаа бүтээлцсэн редакцын үе үеийн сэтгүүлчид, биднийг дэмждэг уншигчид, найз нөхөд, хамтран ажилладаг байгууллага, хувь хүмүүст гүн хүндэтгэлтэйгээр талархлаа илэрхийлье.
Хүндэтгэсэн, “iToim” сайтын редакц
