Монгол Улсын шинэ Үндсэн хууль батлагдсаны 25 жилийн ой өнөөдөр тохиож байна. Энэ өдөр зайлшгүй дурсан санаж, хэлсэн үгийг нь нэхэн бодох ёстой хүний нэг бол Монгол Улсын төр, нийгмийн нэрт зүтгэлтэн, Монгол Улсын шинэ ардчилсан Үндсэн хуулийн эх баригч, Гавьяат хуульч Б.Чимид агсан юм. Ардчилсан Үндсэн хуулийн эцэг гэгддэг Б.Чимид агсны хэлсэн эшлэл үгнүүдээс түүвэрлэн хүргэж байна.

-Үндсэн хууль бол “Алганд багтсан” Монгол Улс юм

-Монгол Улс парламентын Бүгд найрамд улс байна гэдгийг ард түмний санал асуулгаар, 900 мянган хүний олонхийн саналаар шийдэж 1992 оны Үндсэн хуульд тусгасан. Ард түмний энэ шийдлийг ямар нэгэн улс төрийн нам, улс төрийн зүтгэлтний хүслээр Үндсэн хуульд өөрчлөлт оруулаад шийдчих асуудал биш. Хэрэв тэгвэл жинхэнэ төрийн эргэлт болно

Үндэсний шуудан сонин, 2013.01.14

-Үндсэн хуулийн цэцийн дээр нэг л юм бий. Энэ нь хөх тэнгэр биш , Үндсэн хууль өөрөө юм 

-Яагаад бусармаг асуудлыг амархан шийдээд байна гэхээр олонхи, цөөнх, эрх мэдэл хуваарилах зарчим алга болсонтой холбоотой.

Өдрийн сонин, 2010.01.12

-Уг нь албан тушаалын төлөө хууль хийдэггүй, албаны эрх мэдлийг хязгаарладаг зүйлийг л хууль гэдэг. Хууль бол хориг юм.

Монголын үнэн, 2010.12.15

-Хамааралтай, хамааралгүй болгон дээр л Үндсэн хууль л болохгүй байна гэсэн үг их цухалзах болжээ. Хамаг юмны бурууг түүнд чихэж, харицулагаас зайлсхийж, морь бусгадаг бул хар чулуу шиг болгоод байгаатай санал нийлдэггүй. Хот, тосгон хогтой байна гэхэд Үндсэн хуулиас болж байна гэж ярих.

Өдрийн сонин, 2010.01.12

-Үндсэн хууль бол тогтворжсон нийгмийг бататгасан бус, харин төлөвших нийгмийн үндсийг бэхжүүлсэн хууль юм.

-Зөвлөх гэдэг чинь дарга тэргүүтнийхээ ам нь биш, чих нь байхгүй юу. Чихэнд нь хэрэгтэй гэснээ хэлж тархиар нь дамжуулан амаар нь гаргах учиртай байдаг. Тийм байтал шийдвэр гаргадаг ихэс дээдсийнхээ хажуугаар албад түшмэд нь ам мэдэн цуураад байвал нэгдмэл бодлого, нэг шийдвэр гэж байж чадахгүй.

Өдрийн сонин, 2001.04.11

-Хуулийн үзэл баримтлал нь ил биш далд, нэр томъёолол, үг үсгийн цаана байгаа хэрэг . Урьдаар үзэл баримтлал бүрдэж, дараа нь хуулийн томъёолол гардгаас биш, томъёоллоо биччихээд, баталчихаад үзэл баримтлалаа боловсруулна гэж байхгүй шүү дээ.

Өдрийн сонин, 2001.04.11

-Үндсэн хууль нь агуулга, ач холбогдлын хувьд Монголын ард түмний оюун ухаанаар "хуульчлан буулгасан шинэ цагийн Монгол Улс мөн " гэдгийг олон судлаач нэгэнт хүлээн зөвшөөрдөг. Энэ нь ч зүйн хэрэг.

"Ардчилсан Үндсэн хууль 20" эрдэм шинжилгээний хурлын эмхэтгэл

-Үндсэн хууль чинь замын хөдөлгөөний дүрэм шиг явах, зогсохыг журамласан хууль биш.

-Засгийн газрын улс төр, эрх зүйн үйл ажиллагааны тэргүүн шугам нь Үндсэн хуулийг хамгаалах, биелэлтийг хангах явдал билээ.

"Ардчилсан Үндсэн хууль 20" эрдэм шинжилгээний хурлын эмхэтгэл

Үндсэн хууль түүний аюулгүй байдлыг Үндэсний аюулгүй байдлын өндөр төвшинд авч үзэхийг ойлгоогүй буюу үгүйсгэн цэцэрхэгчдийн дуу цухалзах болжээ. Сонгууль дөхөхөөр ч тэр юмуу.

"Ардчилсан Үндсэн хууль 20" эрдэм шинжилгээний хурлын эмхэтгэл

-Төрийн эрх ард түмний мэдэлд байна гэдэг бол парлемантаа байгуулж байгаа, өөртөө засах байгууллагаа байгуулж байгаа, түүнийгээ шатгүйгээр хянаж байгаа. Төрийн хэрэгт шууд ардчиллын замаар оролцож байгаа энэ утгаар хэлж байгаа юм.

БНМАУ-ын Бага хурлын III чуулганы 1991.05.17-ны өдрийн тэмдэглэлээс

-УИХ бол ард түмний мэдэлд байгаа засгийн эрхийг хэрэгжүүлдэг төрийн эрхийг барих дээд байгууллага.

Үндэсний шуудан сонин, 2013.01.14

-Төрийн удирдлагын хүрээнд хууль ёс, зүй ёс хоёрыг сөргүүлэн тавьж хэрхэвч болдоггүй юм

-Тогтвортой хуульгүй үед тогтворжсон нийгэм төлөвшихгүй

-Төрийн эрх барих дээд байгууллага гэдэг нь ард түмний өмнөөс засгийн нэгдмэл байдлыг хангах, өөрөөр хэлбэл төрийн бодлого, зарчмыг эцсийн дүнд гагцхүү УИХ тодорхойлоно

Үндэсний шуудан сонин, 2013.01.14

-Ер нь парламентад бол нэгэнт улсыг хуулиар удирдана, хуулийг парламент батална гэж байгаа болохоор улс төрийн янз бүрийн програм биш хууль улсыг авч явна

БНМАУ-ын Ардын их хурлын хуралдааны протокол 1991.11.30

-Хуулийг элдвээр гуйвуулаад байгаа улс төрчид, улс төрийн хүчнүүдийн бусармаг, балмад явдлыг Үндсэн хуулийн хямрал гэхгүй .

Үндэсний шуудан сонин, 2013.01.14

-Хямралын цаад эх нь Үндсэн хуульд хийсэн 2000 оны өөрчлөлт юм шүү .

Үндэсний шуудан сонин, 2013.01.14

-Даргын толгойд юу орсноор дүрмээ хийж болохгүй. Төрийн хүний толгой, хөл нь нэг судсаар холбогддог

-Зөв хууль гаргадаг УИХ, сайн гүйцэтгэдэг Засгийн газар, шударгаар хамгаалдаг шүүх байж сая хууль биелнэ

-Хийж байж ярьсан нь дээр байна. Ярьж байгаад хийвэл бүтээл муутай .

БНМАУ-ын Үндсэн хууль боловсруулах ажлын комиссын хурлын протокол 1990.11.09

-Ард түмэн гэдгийг Улсын Ерөнхийлөгч хэлдэг үг. Эсвэл улсын хэмжээнд дийлэнхэд нь судалгаа хийсэн шинжлэх ухааны байгууллага өөрийнхөө өмнөөс биш шинжлэх ухааны үүднээс хэлдэг үг.

БНМАУ-ын Ардын их хурлын хуралдааны протокол 1991.12.10

-Гэм нь хуульдаа биш хүндээ

Сонгуульд суралцахуй, 2008, 255 дахь тал

-Тагнуулын байгууллагын чинь хийдэг хамгийн гол ажил нь Үндсэн хуулийн байгууллагыг хамгаалах явдал байдаг юм шүү

Үндэсний шуудан сонин, 2013.01.14

-Хуульд үг нь байтугай таслал нь утгатай байдаг юм

Үндэсний шуудан сонин, 2013.01.14

-Хуульд нэмэлт оруулна гэдэг бол байгаа юмыг тодруулдаг болохоос, байхгүй юмыг нэмдэггүй

Үндэсний шуудан сонин, 2013.01.14

-Хугацаа тулгаж хуулийг өөрчилбөл осолд орж мэднэ

Өдрийн сонин, 2004.02.18

-Өнөөдөр хуулийг их сургуулийн профессор хийгээд бакалаврууд нь хянаад, малын эмч, багш, сэтгүүлч нар (УИХ-гишүүн) гаргаж байна. Өөрөөр хэлбэл, анх төрсөн хүүхэд эмнэлгээс гаргаж авахад өөр хүүхэд болчихоод байна гэсэн үг

Уулзалтын протоколоос, 2005.11.14

-Үндсэн хууль гэдэг гудамжны хөдөлгөөн зохицуулдаг дүрэм биш, улсын үндсийг бататгасан тулгуур хууль юм шүү. Үндсэн хуулиараа их оролдвол ардчиллын зарчмаас ухарч дээр нь барьж байгаа хэврэгхэн барилгууд чинь нурна шүү

Зууны мэдээ сонин, 2004.11.26

-Ерөнхийлөгч бол улс төрийн хүчнүүдийг татах төв нь юм .

Эрх чөлөө сонин, 1993.06.03

-УИХ-ын гишүүдэд жам ёсны хууль батлах ёстойг нь зориуд энд хэлмээр байна. Кноп дарахын өмнө энэ хууль үнэхээр иргэн хүний өнөө болон алс ирээдүйн амьдралын ашиг тусыг тусгаж чадаж байна уу, үгүй юү гэдгийг бодолцож байх ёстой

Хийморь сонин, 2007 оны нэгдүгээр сар

-Өөрийгөө бодож өнөөдрийг аргацаах биш ирээдүйг бодож алсыг харж ажиллах нь ухаалаг удирдлагын шинж

Залуу лидер клубын 5 жилийн ойд илгээсэн үг, 2001.09.27