Бусдад туслахуй анагаах ухааны манба дацан хийдийн Сайжруулагч  хэмээх усан бар жилийн шинийн 1-ний өглөө зүг, мөрөө гаргах зөвлөгөөг хүргэж байна. 

Мөр гаргах ёсон

Монголчуудын зүг чигийн билэгдэл бол нэн эртний байгалийн шүтлэгээс улбаатай. Эрт дээр үед Цагаан сарын шинийн 1-ний өглөө хот айлын ахлагч мөрөө гаргах зан үйлийг хийдэг байжээ. Ингэхдээ хот айлын ахлагчид, өрх бүрийн тэргүүлэгч, нуган үрс бараа болдог байсан байна.  Мөн зүг мөрөө гаргангаа хийдэг нэгэн зан үйл нь жилийн цээр гаргах дом засал байдаг.

Хийморийн зүг рүү гарч, буян хишгийн зүгээс ирдэг уламжлал мөр гаргах ёсонд одоо ч хүртэл мөрдөгдөж буй. Хөдөөд морины уяанаас цааш, орон сууцныхан гурваас есөн алхмаас зүг мөрөө гаргахаа эхлүүлж болно. Зүг гаргагч нь хийморийнхоо зүгт яваад нар зөв тойрон анхны цэг дээр буцаж ирдэг.