Энэ жилийн Үндэсний их баяр наадмын албан ёсны түншээр "Toyota Motor" корпораци гуравдахь жилдээ ажиллах болсон талаар зарлаж, хэвлэлийн хурал хийжээ. Үндэсний их баяр наадмын түрүү бөхийг “Land-Cruiser 200" автомашинаар шагнан урамшуулна. Наадмын түрүү бөхийн бай шагналыг гардуулах ёслол долдугаар сарын 13-ны 10.30 цагт Чингисийн талбайд болох аж. Уг шагналыг Нийслэлийн Засаг дарга бөгөөд Улаанбаатар хотын захирагч Су.Батболд, “"Toyota Motor" корпорацийн Удирдах захирал Нанахара Хироаки нар гардуулах юм. “Тоёота мотор корпораци” нь “Үндэсний их баяр наадам-2016”-гийн албан ёсны түнш төдийгүй албан ёсны хамтрагч болох Хэт Моторс ХХК, Таван Богд ХХК, Мөнххада ХХК-тай цаашдын хамтын ажиллагаагаа улам бэхжүүлж байгаа билээ.