Коронавирус халдвартай холбоотойгоор цэцэрлэг, сургуулийн бүртгэлийг ирэх сарын 3-аас цахимаар явуулахаар болжээ.

Цэцэрлэгийн бүртгэлийг наймдугаар сарын 3-ны 09.00 цагаас наймдугаар сарын 25-ны өдрийн 23.59 цаг хүртэл tsetserleg.ulaanbaatar.mn сайтаар буюу цахимаар бүртгэнэ. Мөн энэ жил 2018 онд төрсөн хоёр настай болон 3-5 настай хүүхдийг бүртгэх аж. 

Харин ерөнхий боловсролын сургуульд өнгөрсөн жил 37579 хүүхэд нэгдүгээр ангид элсэн орж байсан бол энэ жил 39439 хүүхэд элсэх төлөвтэй байна. 2020-2021 оны хичээлийн жилд 2014 оны нэгдүгээр сарын 1-ээс арван хоёрдугаар сарын 1-ний хооронд төрсөн зургаан настнууд нэрдүгээр ангид элссэн суралцана. Тэднийг наймдугаар сарын 3-28-ыг хүртэл үргэлжлэх юм. Ингэхдээ Нийслэлийн 140 сургууль элсэлтээ цахимаар явуулахаар болсон байна. Тиймээс эцэг, эхчүүд товлосон хугацаанд parent.esis.edu.mn сайтруу өөрийн мэйл хаягаараа нэвтэрч, хамран суралцах тойргийнхоо дагуу бүртгүүлэх аж.

Харин тусгай сургуульд элсэх сурагчдын уламжлалт аргаар буюу эцэг, эхчүүд хүүхдийнхээ эмнэлгийн магадалгааг сургуульд өгч, бүртгүүлнэ.