Анагаахын шинжлэх ухааны их сургуулийн 2018-2019 оны хичээлийн шинэ жилийн нээлт өнөөдөр тус сургуулийн хичээлийн төв байранд боллоо. Нээлтийн үеэр сургуулийн захирал Ж.Цолмон нийт ажилчдаа хичээлийн шинэ жилийн мэндийг дэвшүүлж, энэ жилийн хичээлийн хөтөлбөр, зорилтуудынхаа талаар танилцуулсан юм.

Үүний дараа тус сургуулийн хэсэг багш нар “Боловсролын сайд огцор, 60 тэрбумын сүлжээг АШУҮИС-д хэрэгжүүлэхээ зогсоо” гэсээр танхимыг эмх замбараагүй болголоо.

Учир нь тус сургуулийн захирлыг өнгөрсөн долдугаар сард үүрэгт ажлаас нь чөлөөлсөн байдаг. Үүнийг хууль бус томилгоо хэмээн үзэж, сургуулийн багш, ажилчид эсэргүүцлээ илэрхийллээ.