2023 оны нэгдүгээр сарын 1-ээс хэрэгжиж эхлэх “Согтууруулах ундааны эргэлтэд хяналт тавих, архидан согтуурахтай тэмцэх тухай” хуулийн шинэчилсэн найруулгын дагуу архи, согтууруулах ундаагаар үйлчилж буй байгууллагын тусгай зөвшөөрлийг цагийн ялгамжтай болгоно.

Тодруулбал, архи, согтууруулах ундаагаар үйлчилж буй байгууллагууд 11.00-22.00 цаг хүртэл, 14.00-04.00 цаг хүртэл гэх хоёр тусгай зөвшөөрлөөс сонгон авах аж. Мөн шөнийн цагаар үйлчилгээ үзүүлэх тусгай зөвшөөрлийн татвар, хураамж нь өдрийн цагийнхаасаа өндөр байна. Хуульд нэг байгууллага тус хоёр тусгай зөвшөөрлийг хоёуланг нь авч болохгүй гэж заагаагүй аж.

Энэ талаар Гэмт хэргээс урьдчилан сэргийлэх, зохицуулах зөвлөлийн ажлын албаны ахлах мэргэжилтэн Б.Одмандах "Хууль хэрэгжиж эхлэх үед үүнтэй холбоотой журмыг ХХААХҮЯ-аас гаргана. Үүнд нарийн зохицуулалтыг оруулж өгнө. Түүнчлэн уг журамд тусгай зөвшөөрөл авахад ямар шаардлага хангасан байх зэргийг тусгаж өгнө" гэлээ.

2023 оны нэгдүгээр сарын 1-ээс эхлэн хэрэгжих “Согтууруулах ундааны эргэлтэд хяналт тавих, архидан согтуурахтай тэмцэх тухай” хуулийн шинэчилсэн найруулгын талаар дэлгэрэнгүй ярилцлагыг ЭНД дарж уншаарай.