Улсын онцгой комиссын дэргэдэх Эрдэмтдийн зөвлөлийн гаргасан дүгнэлт, саналыг үндэслэн тусгаарлалтын 21 хоногийг 14, гэрийн тусгаарлалтын 14 хоногийг долоо хоног болгон бууруулжээ.

Эхний 14 хоногт хоёр, гэрээр тусгаарлагдах үед нэг удаа шинжилгээ авах юм байна. Уг нь УОК дотоод халдвар гарсантай холбоотойгоор гаднаас ирсэн иргэдийг тусгаарлах байранд 21 хоног, гэрт нь 14 хоног тусгаарлахаар болоод байсан юм.

Улсын онцгой комиссын шийдвэрээр энэ сарын 16-нд Франкфурт, 12 дугаар сарын 20-нд Токио, 12 дугаар сарын 25-нд Сөүл чиглэлд тусгай үүргийн нислэг үйлдэнэ.