Нийслэлд өчигдөр орой хүнд даацын машин 13 машиныг мөргөж, гурван айлын хашаа дайрсан зам тээврийн ноцтой осол гарчээ.

Тодруулбал, 2020 оны долдугаар сарын 8-н буюу өчигдөр орой 23 цагийн орчимд Чингэлтэй дүүргийн 13 дугаар хороо, Хайлаастын зам, Сургуулийн 14 дүгээр гудамжны урд замд HOVO маркийн миксер Мицубиши пажеро, 7 ширхэг Тоёота приус, Ниссан дацун, Хонда инсайт, Старекс, Ланд круйзер 80 машинуудтай мөргөлдсөн ноцтой осол гарлаа. HOVO маркийн миксер нь 10 тоннын зуурмаг ачих даацтай. Осол гарах үед 8 тоннын зуурмагтай явж байсан нь тогтоогдсон байна.

Одоогийн байдлаар нас барсан хүн байхгүй таван хүн гэмтэж, ГССҮТ-д хүргэгдсэн.