Мэдээллийн эрин зуунд амьдарч байгаа бид өдөр бүр маш олон веб сайтаар зочилж, хэрэгтэй мэдээллээ олж авдаг. Интернэтийн хөгжлийг дагаж хүн бүр л өөрт хэрэгтэй мэдээллээ цахим сайтаас авч, энэ хэрээр хэрэглээний сайтуудын чанар хүртээмж, сайжирч байна. Судалгаагаар хүмүүсийн олонх нь интернэтээс зөвхөн “Google”-ын тусламжтайгаар л хайж байгаа зүйлээ олдог аж. Google хамгийн хурдан бөгөөд цогц хайлтын систем боловч заримдаа бидний хүссэн үр дүнд хүрдэггүй билээ.
Хэрэглэгч, уншигчийн алтан цагийг хэмнэж, ажлын үр бүтээмжийг нэмэгдүүлэх дараах цахим сайтуудыг санал болгож байна. Хүн бүр төдийлөн сайн мэдэхгүй байх гэдэг үүднээс эдгээр сайтуудын мэдээллийг нэгтгэн хүргэж байна.
Хамгийн гол нь доорх цахим сайтууд нь бүгд үнэгүй гэдгээрээ онцлог бөгөөд энд таны мэдлэгийг тэлэх хэд хэдэн веб сайт ч багтсан байгаа. Та энэ хэрэгтэй мэдээллийг зөвхөн өөрөө мэдээд зогсохгүй бусадтай хуваалцаж тэдэнд ч гэсэн үр бүтээмжтэй ажиллахад нь туслаарай.
Та хаа нэгтээ аялахаар төлөвлөж байгаа бол энэхүү веб сайт танд хамгийн хямд нислэгийн тасалбарын мэдээллийг харуулах юм. Шууд болон дамжих гээд бүх төрлийн нислэгийн төрлүүдийг ангилах бөгөөд та өөрт тохирсон нислэгийг сонгоход тухайн тасалбар борлуулагч компанитай таныг шууд холбох юм.
Өмнө нь танд компьютерын дэлгэцэн дээрх зүйлсээ шугамдах хэрэг гарч байсан уу? Та тус веб сайтад зочлон зөвхөн өөрийн компьютерын дэлгэцийг тодорхойлох шаардлагатай юм. Үүний дараа таны төхөөрөмжид тохирох шугам гарч ирэх ба та ямар ч алдаа мадаггүй хэмжих боломжтой болох юм.
3. myfonts.com/WhatTheFont/
Энэ вебсайт дизайнеруудад илүү хэрэг болж магадгүй юм. Та зурган файлыг тус веб сайт руу “upload” хийх бөгөөд тухайн зурагт ашиглагдсан үсгийн фонтыг танд хэлж өгөх юм. Одоо энэ ямар фонт вэ гэж гайхах шаардлагагүй боллоо.
Энэ веб сайт таны өмнөөс ямар ч математикийн томьёоллыг бодож өгөх юм. Сурагчдад хандаж хэлэхэд гэрийн даалгавраа өөрөө хийх нь ирээдүйд шагналтанд чинь туслах болно шүү.
Англи хэл сурч байгаа хэн бүхэнд хэрэгтэй веб сайт юм. Ялангуяа англи хэлийг академик төвшинд эзэмшсэн хүмүүст илүү хэрэг болно. Та ямар ч үгийн гарал үүслийг энэ толь бичгээс олох боломжтой. Жишээ нь, англи хэлний “review” буюу “тойм” гэдэг үг нь XV зуунд үүссэн франц гаралтай дахин харах, нягтлах гэсэн утгатай үг аж.
Хүмүүс өөрийн сошиал хаягуудаа хэрхэн устгах вэ? гэдэг асуултыг их асуудаг. Уг веб сайт нь “Facebook”, “Twitter” зэрэг бүх сошиал хаягийг хэрхэн бүр мөсөн устгах талаар дэлгэрэнгүй зааврыг харуулдаг. Та зөвхөн устгахыг хүссэн сошиол сүлжээгээ сонгоход л хангалттай.
Оюуны өмчийг дээдэлдэг хүн бүр үүнийг зайлшгүй мэдэх шаардлагатай. Учир нь уг веб сайтад байгаа өндөр чанартай зураг, бичлэгүүдийг ямар ч хэрэгцээнд оюуны өмчийн эрхгүйгээр ашиглах боломжтой юм.
Энэ бол зөвхөн хүүхдүүдэд зориулсан “Google”-ын хайлтын систем юм. Хүүхдүүд гэрийн даалгавар, бие даалтаа хийхэд интернэт орчин зайлшгүй шаардлагатай байдаг. Тэд бидний адил “Google” ашиглан хүссэн мэдээллээ олох гэдэг. Гэтэл ихэнх тохиолдолд тэдний насны онцлогт тохирсон мэдээлэл гарч ирдэггүй тиймээс “kiddle” буюу зөвхөн хүүхдийн сэтгэхүйд тохирсон мэдээллийг үзүүлдэг хайлтын системийг зохион бүтээсэн байна. Та хүүхдэдээ энэ хайлтын системийг хэрэглэж дадуулаарай. Ингэснээр тэдний цахим орчин дахь аюулгүй байдал улам сайжрах юм.
Эрүүл хооллолтын дэглэм барих гэж байгаа хүнд маш хэрэгтэй веб сайт юм. Дурын хоёр хүнсний бүтээгдэхүүний калорийг хооронд нь харьцуулан танд харуулах болно. Ингээд та өөрт тохирсон хүнсээ сонгоход илүү хялбар болж байгаа юм.
Заримдаа гэнэт “Photoshop” программ ашиглах шаардлага гардаг. Эсвэл таны компьютерт огт байдаггүй бол уг веб сайтад зочлоорой. Энэ бол таны интернэт хөтөч дэх “Photoshop” юм. Мөн ухаалаг гар утаснаас ашиглах боломжтой.
Та ямар нэгэн кино үзэх гээд хайгаад олохгүй байна уу? Тэгвэл энэ веб сайт танд ямар ч киног интернэтээс шууд үзэх, “DVD” хэлбэрээр худалдан авах эсвэл бүүр ямар телевизийн сувгаар гарахыг хэлж өгөх юм. Хэрвээ таны хайсан кино байхгүй бол та цахим шуудангаа үлдээхэд л хангалттай. Тэд таны хүссэн киног олмогцоо танд мэдэгдэх болно.
Ямар хоол хийхээ шийдэж чадахгүй байна уу? Эсвэл хоол хийхдээ тааруухан уу? Тэгвэл энэ веб сайтаар зочлоорой. Та хөргөгчдөө байгаа хоолны материалуудаа сонгоход л хангалттай бөгөөд үүнд тань чинь тулгуурласан хоолны жоруудыг зөвлөх болно.
Эцэст нь, танд маш хэрэгтэй нэгэн веб сайтыг зөвлөж байна. Энэ бол таны алжаал ядаргааг тайлж, ажлын байран дээр төвлөрөхөд туслах веб сайт юм. Энэхүү сайт нь энгийн бөгөөд та зөвхөн тоглуулах товчлуурыг дараад борооны чимээ сонсон тухлан сууж, өөрийгөө тайвшруулах болно. Мөн ухаалаг гар утсан дээрээ татаж авах боломжтой.
Эдгээр веб сайт танд ямар нэгэн байдлаар хэрэг болно гэдэгт битгий эргэлзээрэй. Тиймээс та мартахгүйн тулд хадгалаад авахад илүүдэхгүй биз ээ. Мөн бусдадаа дамжуулж хэрэгтэй мэдээллийг хуваалцаарай.
