СЕХ-ноос УИХ-ын 2020 оны ээлжит сонгуулийн саналын хуудасны загварыг цахим хуудсандаа байршуулжээ.

Саналын хуудасны загварыг тойрог тус бүрээр нь боловсруулж, нам, эвслээс болон бие даан нэр дэвшигчдийн нэрийг бичсэн байна. СЕХ-ноос иргэд саналын хуудсыг хэрхэн бөглөх талаар ойрын хугацаанд дэлгэрэнгүй танилцуулах аж. 

Саналын хуудсыг улсын бүртгэлийн байгууллагаас гаргасан сонгогчийн тоонд үндэслэн хэвлүүлдэг нийт сонгогчдын 5 хувьтай тэнцэхүйц хэмжээний нөөцтэйгөөр хэвлүүлдэг. Энэ удаад сонгогчдын нэрсийн жагсаалтад 2 сая 132 мянга 239 сонгогч бүртгэгдсэн байна. Саналын хуудсыг “Монголын үнэт цаас хэвлэл”, “Таван богд менежмент”  компани хэвлэж буй юм.

Та тойргийнхоо саналын хуудасны загвартай энд дарж танилцна уу,

Харин санал болон саналын хуудсыг хүчингүйд тооцох Сонгуулийн тухай хуулийн 47 дугаар зүйлд:

• 47.1.Дор дурдсан саналыг хүчингүйд тооцно:
• 47.1.1.энэ хуулийн 46.3.5, 46.3.6-д заасан санал;
• 47.1.2.тойрогт ногдсон мандатын тооноос илүү, эсхүл дутуу нэр дэвшигчийн төлөө өгсөн санал;
• 47.1.3.нэгээс илүү нам, эвслийн төлөө өгсөн санал.
• 47.2.Дор дурдсан тохиолдолд саналын хуудсыг хүчингүйд тооцно:
•  47.2.1.баталсан загвар, шаардлагыг хангаагүй саналын хуудсаар санал өгсөн
• 47.2.2.сонгогчоос саналаа хэрхэн тэмдэглэх талаарх саналын хуудас дахь зааварт зааснаас өөр тэмдэглэл хийсэн бол хүчингүйд тооцно гэжээ.