“Дэлхийн мисс 2021” тэмцээн эдгээр өдрүүдэд АНУ-д үргэлжилж байна. Тус тэмцээнд Монгол Улсыг төлөөлөн оролцож байгаа мисс А.Бөртэ-Үжин 130 орны миссүүдтэй өрсөлдөн “Авьяаслаг мисс” шалгаруулалтад тэргүүн байрыг эзэлжээ.

Ингэснээр тэрээр “Дэлхийн мисс-2021” тэмцээний хагас шигшээд шалгарсан бөгөөд Норвеги, Япон, Чили, Хойд Ирландын миссүүд "Авьяаслаг мисс" шалгаруулалтын удаах байрыг эзэлжээ. 

Энэ жилийн дэлхийн миссийн тэмцээн АНУ-ын Пуэрто Рикогийн нийслэл Сан Хуан хотод болж байгаа бөгөөд арванхоёрдугаар сарын 16-нд “José Miguel Agrelot Coliseum” цэнгэлдэх хүрээлэнд финалын шалгаруулалт болж, “Дэлхийн мисс-2021” тэмцэээний ялагч тодорно.

Монгол Улсаа төлөөлөн оролцож буй Ө.Бөртэ-Үжин нь Соёл Урлагийн их сургуулийг бүжгийн багш, найруулагч мэргэжлээр төгссөн бөгөөд Англи, Япон, Герман, Хятад хэлтэй юм байна.