Баянзүрх дүүргийн долдугаар хороо буюу зүүн дөрвөн замын уулзвараас сансарын тойрог хүртэлх 950 метр гудамжийг “жишиг гудамж” болгон тохижуулжээ. Тохижилтын ажлын хүрээнд сансарын тойргийн баруун талаар явган хүний зам, том оврын 153 шилмүүст мод, троссон хашлага, ургамлан хашлагаар хийсэн аж. Харин зүүн талын туслах замыг бүрэн шинэчилж 150 машины зогсоол бий болгосон байна. Цаашид гэрэлтүүлэг хийх, шилмүүст мод тарих, мод хамгаалах хашлага зэргийг хийхээр төлөвлөжээ.

Жишиг гудамжийг байгуулснаар зүүн дөрвөн замаас дээш сансарын тойрог хүртэлх авто замын түгжрэл буурч, явган зорчигч чөлөөтэй явах боломжтой болж байгаа юм байна.