Манай улсад хурдны дээд хязгаарыг суурин газарт цагт 60 км, суурингийн гаднах замд цагт 80 км, хороолол доторх замд цагт 20 км явах дүрэмтэй. Жишээ нь өнгөрсөн долоо хоногийн хугацаанд Дүнжингаравын урд талын авто замд замын хөдөлгөөний удирдлагын төвөөс хурд хэмжигч ажиллуулж 100 гаруй зөрчлийг илрүүлж, хурд хэтрүүлсэн 40 жолоочийн тээврийн хэрэгсэл жолоодох эрхийг хассан байна.

Жолооч Замын хөдөлгөөний дүрэмд заасан тээврийн хэрэгслийн хурдыг зөвшөөрөгдсөн дээд хязгаараас 50-иас дээш хувиар хэтрүүлсэн бол тээврийн хэрэгсэл жолоодох эрхийг зургаан сарын хугацаагаар хасаж, 50 мянган төгрөгөөр торгох арга хэмжээ авдаг.