Оюу Толгойн Төлөөлөн удирдах зөвлөлийн ээлжит хурлаар Оюу толгойн гүнийн уурхайн бүтээн байгуулалтыг үргэлжлүүлэх 75 сая ам.долларын нэмэлт санхүүжилтийг баталжээ. Ингэснээр гүнийн уурхайн бүтээн байгуулалт төлөвлөгөөний дагуу 2022 оны нэгдүгээр сарын дунд үе хүртэл хэвийн үргэлжлэх боломжтой болсон талаар Оюу Толгойн хувьцаа эзэмшигч Туркойз Хилл ресурс компаниас мэдээллээ. 

Мөн тус компани Монгол Улсын Засгийн газар, Рио Тинто  группийн хооронд үргэлжилж буй яриа хэлэлцээ нааштай, ахиц дэвшил гарсантай холбогдуулан Оюу Толгойн ТУЗ-өөс гүнийн уурхайн шаардлагатай санхүүжилтийг баталлаа гэдгийг тодотгосон байна.

Гэсэн хэдий ч гүнийн уурхайн бүтээн байгуулалтыг дуусгахад шаардлагатай санхүүжилтийг ойрын хугацаанд шийдвэрлэх шаардлага хэвээр байгааг Туркойз Хилл ресурс компани мэдэгдэлдээ дурджээ. 

Эх сурвалж: TRQ