Тун удахгүй бүтэн сарын туршид дэлхий нийтийн анхаарлын төвд орох Өмнөд Солонгосын Пёнчаны Өвлийн Олимптой холбоотой сонирхолтой баримтуудыг дэлгэвэл:   

-ПёнЧан хот Өмнөд Солонгос Улсын зүүн хэсгийн Ганвон мужид байрладаг.

-Сөүл хотоос ПёнЧан хот руу авто машинаар 2 цаг 30 минут явж хүрдэг.  Дөнгөж шинээр ашиглалтад орсон хурдан галт тэргээр зорчсон тохиолдолд энэ хугацааг хоёр дахин хэмнэх боломжтой.

-ПёнЧан хот 1994 оны Лиллхаммерийн олимпоос хойш зуны болон өвлийн олимп зохиогдож буй хамгийн жижиг хот болж байна.

-ПёнЧан хот өвлийн олимп зохиогдож буй Солонгос улсын анхны, Ази тивийн 2 дахь хот.  Өмнө нь 1998 онд Япон Улсын Нагано хотод өвлийн олимп зохион байгуулагдаж байсан бол 1988 оны зуны олимп Сөүл хотод зохион байгуулагдаж байсан.