Засгийн газрын хуралдаанаар Нэмэгдсэн өртгийн албан татварын урамшууллын буцаан олголтын асуудлыг хэлэлцэж, 2020 оны хоёрдугаар сарын 10-ны өдрөөс эхлэн буцаан олголтын мөнгийг иргэдийн бүртгэлтэй дансанд хийж эхлэх шийдвэрийг гаргажээ. 

НӨАТ-ын буцаан олголтод 2016 онд 35.1 тэрбум төгрөг олгож байсан бол 2019 онд 121.6 тэрбум төгрөг олгосон. Харин энэ онд 146 тэрбум төгрөгийг буцаан олгохоор байгааг Татварын ерөнхий газраас мэдээлээд байгаа.

Нэмэгдсэн өртгийн албан татварын тухай хууль болон Сангийн сайдын тушаалаар баталсан журмын дагуу 911 707 татвар төлөгч иргэний 146,073,329,221.71 төгрөгийн албан татварыг баталгаажуулан 2020 оны хоёрдугаар сарын 10-ны өдрөөс эхлэн буцаан олгох аж.

Мөн сануулахад, НӨАТ-ын тухай хуульд нэмэлт, өөрчлөлт оруулсантай холбогдуулан энэ оноос буцаан олголт улирал бүр иргэдийн дансанд орж байхаар болсон билээ