МАН-ын Удирдах зөвлөл хуралдлаа. Хуралдаанаар Хүнс, хөдөө аж ахуй, хөнгөн үйлдвэрийн дэд сайдыг томилох асуудлыг хэлэлцсэн байна. 

Тодруулбал, Засгийн газрын хуралдаанаар ХХААХҮ-ийн дэд сайд Ж.Бат-Эрдэнийг үүрэгт ажлаас нь чөлөөлжээ. Түүний оронд НАМОХ-ны ерөнхийлөгч М.Ганхүлэгийг залуу үеийн төлөөлөл хэмээн нэр дэвшүүлж, МАН-ын удирдах зөвлөл дэмжсэн аж. Энэхүү томилгоог Засгийн газрын хуралдаанаад танилцуулж, батална.

М.Ганхүлэг нь 1990 онд төрсөн. ХААИС-ийн Эдийн засаг, бизнесийн сургуулийг маркетингийн удирдлагаар төгссөн байна. 2020 оноос Хэнтий аймгийн ИТХ-ын төлөөлөгчөөр Хэрлэн сумын тавдугаар багаас сонгогдон ажиллаж байгаа юм. 

Ажлын туршлага 

• "Ард контент групп"-ийн гүйцэтгэх захирал 
• 2019 онд ЗГХЭГ-ын даргын олон нийтийн харилцаа хариуцсан зөвлөх /Л.Оюун-Эрдэнийн үед/ 
• 2020 оны есдүгээр сараас МАН-ын улс төрийн бодлогын газрын дарга 
• 2022 оны гуравдугаар сараас НАМОХ-ны ерөнхийлөгч 
• 2022 оноос Ерөнхий сайдын ажлын албаны гишүүн, зөвлөх 
• Мөн Хэнтий аймгийн нутгийн зөвлөлийн гүйцэтгэх захирлаар ажилладаг. 

Хөрөнгө орлогын мэдүүлэг 

• Өөрийн орлого 31 сая, гэр бүлийн орлого 21 сая 
• Орон сууц 298 сая 
• Автомашин 14 сая /Toyota, Prius XW30-1/ 
• 124 саяар үнэлэгдэх малтай, 75 саяар үнэлэгдэх үнэт эдлэлтэй. 
• Газар 15 сая /Өмчлөх-700м2-1/ 
• Хадгаламж 25 сая 
• Зээл 201 сая 
• Ашдын Түүчээ ХХК-ийн 80 хувийг, Ард Контент Групп ХХК-ийн 50 хувийг эзэмшдэг.