Засгийн газрын ээлжит хуралдаанаар Мэргэжлийн хяналтын ерөнхий газрын даргаар Эрчим хүчний дэд сайд асан Т.Гантулгыг томилж, Н.Цагааныг үүрэгт ажлаас нь чөлөөлжээ.

Т.Гантулга нь өмнөх Засгийн газрын үед Эрчим хүчний дэд сайдаар ажиллаж байсан бөгөөд шинээр Засгийн газар байгуулагдахад бүрэн эрхийн хугацаа нь дууссан байсан юм.  МХЕГ-ын даргаар томилогдсон Т.Гантулга нь улс төр судлаач, эрх зүйч мэргэжилтэй ажээ. 

Төгссөн сургууль:

1985 – 1990 онд  ОХУ-ын Москва хотын Хүмүүнлэгийн их сургууль, Түүх нийгмийн багш

1997 – 2000 онд  МУИС-ийн докторантур, Улс төр судлаач

2002- 2004  онд  Үндэсний Тагнуулын академи, Эрх зүйч

Улс төрийн шинжлэх ухааны доктор, профессор, PhD

АЖЛЫН ТУРШЛАГА    

1983 – 1985 онд  Говь-Алтай аймгийн МХЗЭ-ийн хороонд зохион байгуулагч

1990 – 1994 онд Говь-Алтай аймгийн МАН-ын хороонд улс төрийн ажилтан

1994 – 2000 онд Алтайн Кашмир” ХХК-ийн Ерөнхий захирал

2000 – 2007 онд МАН-ын даргын зөвлөх

2007 – 2009 онд  Байгаль орчин, Аялал жуулчлалын яамны Төрийн нарийн бичгийн дарга

2009 – 2012 онд  ХХААХҮЯ-ны Төрийн нарийн бичгийн дарга

2013 – 2016 онд   МАН-ын Нарийн бичгийн дарга

2016 оноос   Эрчим хүчний дэд сайд

Гадаад хэлний мэдлэг: Англи, Орос