Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн орон даяар өрнөж байгаатай холбоотойгоор Баянгол дүүрэгт хэд хэдэн байршилд тавдугаар сарын 6-ны өдрөөс эхлэн мод тарьж эхэлсэн.

Тэгвэл өнөөдрийн байдлаар дүүргийн хэмжээнд 13,000 ширхэг мод тариад байгаа бөгөөд төрийн болон төрийн бус байгууллага, ААНБ-ууд, ЕБС болон СӨБ-ын байгууллагынхан хамт олон гэр бүлээрээ нэгдээд байна. Тухайлбал, “Баянгол Цэцэрлэгт хүрээлэн” ОНӨТҮГ-т

• Нийслэлийн Засаг даргын Тамгын газар
• Нийслэлийн Агаар, орчны бохирдолтой тэмцэх газар
• Нийслэлийн Бизнес инновац хөгжлийн газар
• Нийслэлийн Боловсролын газар
• Нийслэлийн Гэр бүл, хүүхэд, залуучуудын хөгжлийн газар
• Нийслэлийн Биеийн тамир, спортын газар
• Нийслэлийн Дагуул хот, эдийн засгийн тусгай бүсийн хөгжлийн газар
• Нийслэлийн 93-р сургуулийн 1б анги хамт олон, эцэг эхийн зөвлөлийн хамт
• МУБИС-ийн харьяа ЕБС –ийн 11а анги хамт олон
• Нийслэлийн Нийгмийн даатгалын газрын ажилтан, албан хаагчид болон аж ахуй нэгж байгууллагын төлөөлөл гэр бүл хамт олноороо мод тариад байна.