Монгол Улсын ЭМЯ-наас дэлхийн хэд хэдэн оронд “COVID-19”-ийн эсрэг хэрэглэж байгаа “Avigan” эмийг Японоос авч ирж байгаа талаар сайд нь мэдээлсэн. Японы “Toyoma Chemical” компанийн олон төрлийн “RNA” вирусийн эсрэг үйлчилгээтэй энэхүү эм нь зах зээлд “Favipiravir”, “Favilavir”, “T-705” болон бусад эмтэй хавсарсан хувилбар болох “Pyrazinamide” гэх нэршлээр борлуулагддаг байна.

Тус эмийг хамгийн анх 2014 онд Япон улсад вирусийн эсрэг эмнэлзүйд ашиглах зөвшөөрөл олгосон байдаг. АНУ-ын Хүнс, эмийн захиргаанаас 2015 оны гуравдугаар сард “Favipiravir” эмийн вирусийн эсрэг эмнэлзүйн аюулгүй байдал, үр нөлөөг судлах клиник туршилтын гуравдугаар үе шатыг хийсэн. Харин 2020 оны гуравдугаар сарын 15-нд БНХАУ-д томуугийн эмчилгээнд батлаж, “COVID-19”-өөр үүсгэгдсэн уушгины хатгалгаа, үрэвслийн эмчилгээнд эмнэлзүйн туршилт хийх зөвшөөрөл авсан. Мөн гуравдугаар сарын 22-нд Италийн Эмийн агентлаг “Favipiravir” эмийг “COVID-19”-ийн эсрэг эмнэлзүйн туршилт явуулах зөвшөөрөл олгож, цар тахалд өртсөн гурван муждаа туршиж эхэлсэн байна. Өнөөдрийн байдлаар уг эмийг БНХАУ, АНУ, Итали, Индонез, ӨАБНУ тэргүүтэй хэд хэдэн оронд “COVID-19”-ийн эсрэг эмнэлзүйн судалгаанд ашиглаж байна.

БНХАУ-ын Эрүүл мэндийн байгууллагын зүгээс өнгөрөгч гуравдугаар сарын 18-нд вирусийн эсрэг “Favipiravir” эм нь “COVID-19”-ийн эсрэг өндөр үр дүнтэй болох нь судалгаагаар “маш тодорхой” харагдаж байгаа талаар мэдэгдсэн.

Тухайлбал, Уханийн их сургуулийн эрдэмтэд “COVID-19” эсрэг сайн үйлчилгээтэй эмийг судлах зорилгоор ийн халдвар авч, уушгины үрэвсэл үүсэн 236 өвчтөнийг санамсаргүй түүврийн аргаар сонгон хоёр тусдаа бүлэг болгон нэг хэсэгт нь “Favirpiravir” нөгөө хэсэг нь “Arbidol” эмийг тогтмол уулгаж туршсан байна. Судалгаанд хамрагдсан 116 өвчтөн буюу эхний бүлэгт “Favirpiravir” эмийн нөлөөг туршсан бол 120 өвчтөн бүхий хоёр дахь бүлэгт “Arbidol” эмийн нөлөөг туршжээ. Энэхүү судалгааны үр дүнг эмхтгэн хүргэж байна.

“Favipiravir” бүлэгт 59 эрэгтэй, 57 эмэгтэй өвчтөн байснаас насны бүтцийн хувьд 75 хувь нь буюу 87 өвчтөн 65-аас дээш насны үлдсэн 25 хувь буюу 29 өвчтөн 65-аас доош насны хүмүүс байсан аж. Архаг хууч өвчний түүхийн хувьд 31.03 хувь буюу 36 өвчтөн цусны даралт ихсэх өвчтэй, 12.07 хувь буюу 14 өвчтөн чихрийн шижин өвчтэй байжээ. Харин өвчтөнүүдийн биеийн байдлын хувьд 96 өвчтөн хөнгөн, 18 өвчтөн хүнд болон ноцтой өвчилсөн.

“Arbidol” бүлэгт 51 эрэгтэй, 69 эмэгтэй өвчтөн байсны 65.83 хувь буюу 79 өвчтөн 65-аас дээш, 34.17 хувь буюу 41 өвчтөн 61-ээс доош насны хүмүүс байсан бөгөөд бүлэгт хамаарах нийт өвчтөнүүдийн 25 хувь буюу 30 өвчтөн цусны даралт ихсэх, 10.83 хувь буюу 13 өвчтөн чихрийн шижин өвчтэй байсан аж. Өвчтөнүүдийн биеийн байдлын хувьд тус бүлэгт 111 өвчтөн хөнгөн, 9 өвчтөн хүнд болон ноцтой хэмжээнд өвчилсөн байв.

Судалгааны ажил эхлэх үед шинж тэмдгийн хувьд давхардсан байдлаар:

-Халуурах шинж тэмдэг “Favipiravir” бүлгийн 55.17 хувь буюу 64 өвчтөнд, “Arbidol” бүлэгт 50.83 хувь буюу 61 өвчтөн илэрсэн.

-Бие сульдах шинж тэмдэг “Favipiravir” бүлгийн 34.84 хувь буюу 40 өвчтөнд, “Arbidol” бүлэгт 20.5 хувь буюу 27 өвчтөнд илэрсэн.

-Хуурай ханиалгах шинж тэмдэг “Favipiravir” бүлгийн 60.34 хувь буюу 70 өвчтөн, “Arbidol” бүлэгт 53.33 хувь буюу 64 өвчтөнд илэрсэн.

-Цэртэй ханиалгах шинж тэмдэг “Favipiravir” бүлгийн 11.21 хувь буюу 13 өвчтөн, “Arbidol” бүлэгт 9.17 хувь буюу 11 өвчтөнд илэрсэн.

-Булчин хөндүүрлэх шинж тэмдэг “Favipiravir” бүлгийн 1.72 хувь буюу 2 өвчтөн, “Arbidol” бүлэгт 2.5 хувь буюу 3 өвчтөнд илэрсэн.

-Амьсгал давчдах шинж тэмдэг “Favipiravir” бүлгийн 7.76 хувь буюу 9 өвчтөн, “Arbidol” бүлэгт 3.33 хувь буюу 4 өвчтөнд илэрсэн.

-Хоолой хөндүүрлэх шинж тэмдэг “Favipiravir” бүлгийн 7.76 хувь буюу 9 өвчтөн, “Arbidol” бүлэгт 14.17 хувь буюу 17 өвчтөнд илэрсэн.

-Суулгалт өгөх шинж тэмдэг “Favipiravir” бүлгийн 18.97 хувь буюу 22 өвчтөн, “Arbidol” бүлэгт 12.5 хувь буюу 15 өвчтөнд илэрсэн.

-Толгой иргэх шинж тэмдэг “Favipiravir” бүлгийн 0.86 хувь буюу 1 өвчтөн, “Arbidol” бүлэгт 4.17 хувь буюу 5 өвчтөнд илэрсэн.

-Нойргүйдэх шинж тэмдэг “Favipiravir” бүлгийн 13.79 хувь буюу 16 өвчтөн, “Arbidol” бүлэгт 24.17 хувь буюу 29 өвчтөнд илэрсэн.

-Нүд улайх шинж тэмдэг “Favipiravir” бүлгийн 5.17 хувь буюу 6 өвчтөн, “Arbidol” бүлэгт 5.83 хувь буюу 7 өвчтөнд тус тус илэрсэн байдалтай байжээ.

Ингээд хоёр бүлэгт харгалзах эмийг нэг долоо хоногийн хугацаанд уулгасны дараа “Favipiravir” бүлгийн “COVID-19”-ийн халдвар авсан 116 өвчтөний 61.21 хувь буюу 71 өвчтөн, “Arbidol” бүлгийн 120 өвчтөний 51.67 хувь буюу 62 өвчтөний ерөнхий биеийн байдалд тус тус өмнөхөөсөө сайжирсан дүр зураг ажиглагдсан байна. Тухайлбал, “Favipiravir” бүлэгт хамаарах хөнгөн хэлбэрээр өвчилсөн өвчтөнүүдийн 71.43 хувь, “Arbidol” бүлгийн 55.86 хувьд эмийн үйлчилгээ ерөнхий биеийн байдалд сайн нөлөө үзүүлсэн. Харин хүнд болон ноцтой хэмжээнд өвчилсөн өвчтөнүүдийн хувьд “Favipiravir” бүлэгт 5.56 хувь,  “Arbidol” бүлэгт тэг хувийн үр дүн гарсан байна. Судалгааны тайлантай бүрэн эхээр нь танилцах.