Нийслэлийн Баянзүрх дүүрэг дэх Замын цагдаагийн хэлтсээс иргэдийг аюулгүй орчинд амьдрах нөхцөл боломжоор хангахын тулд зам тээврийн осол, аваараас урьдчилан сэргийлэх ажлыг тогтмол зохион байгуулж байгаа аж.

Тухайлбал, Баянзүрх дүүргийн 11 дүгээр хороо Уулын замд он гарснаас хойш халтиргаа гулгаа үүсч, зам тээврийн осол аваар ихээр гарч байгаатай холбогдуулан тус хэлтсийн албан хаагчид анхааруулах болон сэрэмжлүүлэх самбарыг байршуулжээ.

Тус зам нь огцом эргэлт ихтэй учир жолооч нар замын хөдөлгөөний дүрмийн дагуу 40 км/цагийн хурдтай явах ёстой ч хурд хэтрүүлснээс үүдсэн зам тээврийн осол ихээр гарч байгаа юм байна. Тиймээс жолооч нар замын хөдөлгөөний дүрмийн дагуу, анхаарал болгоомжтой зорчихыг Тээврийн цагдаагийн албанаас анхаарууллаа.