Монгол Улсад иргэдийн өргөн хэрэглээний бараа бүтээгдэхүүний үнэ өдрөөр өсч байна. Үйлдвэрлэдэггүй, ихэнх бараа бүтээгдэхүүнээ гаднаас авдаг манай улсын хувьд урд хөрш хилээ хаасан нь үнэ өсөх гол сэдэл болов. Гэхдээ иргэдийн өдөр тутамдаа хэрэглэдэг хүнсний гол нэрийн бүтээгдэхүүн болох мах, гурил, сүүгээ дотоодоосоо хангадаг гэх боловч хилийн гацааг дагаж эдгээр бүтээгдэхүүний үнэ хамгийн өндөр өсөлттэй байна. Нийслэлийн статистикийн газраас долоо хоног бүр өргөн хэрэглээний барааны дундаж үнийг гаргадаг. 2021 он арванхоёрдугаар сарын 30-нд гаргасан үнийг жилийн өмнөхтэй харьцуулав.