Хөдөлмөр, нийгмийн хамгааллын сайд асан А.Ариунзаяаг Ерөнхий сайдын ахлах зөвлөхөөр томилохоор болжээ.

Тодруулбал, Ерөнхий сайд Л.Оюун-Эрдэнэ ХНХ-ийн сайд асан А.Ариунзаяад ахлах зөвлөхөөр ажиллах санал тавьсан тавьж, тэрээр саналыг хүлээн авсан аж. Одоо хуралдаж буй Засгийн газрын ээлжит хуралдаанаар томилгоог эцэслэх юм байна. Ахлах зөвлөх нь Ерөнхий сайдын ажлын албыг удирддаг юм.

Өмнөх ахлах зөвлөх Э.Болормаа Ховд аймгийн Засаг даргаар сонгогдсон билээ. Тэрээр Засгийн газрын хэрэгжүүлж буй Шинэ сэргэлтийн бодлогыг хэрэгжүүлэхэд анхаарч ажилладаг байсан. Тэгвэл одоо энэхүү үүрэг А.Ариунзаяад очиж байна. 

А.Ариунзаяа нь 1980 онд Улаанбаатар хотод төрсөн. 

Боловсрол: 

• 1995 онд Улаанбаатар хотын Орос, Монголын хамтарсан 3 дунд сургууль
• 1996 онд ОХУ-ын Улан-Үдэ хотын лицей-интернат Нэгдүгээр сургууль
• 1999 онд ХБНГУ-ын Халле коллеж
• 2005 онд ХБНГУ-ын Ханновэр их сургууль
• 2015 онд Удирдлагын академи
• 2017 онд Эдийн засгийн Үндэсний дээд сургуулийг тус тус төгссөн. Улс төрийн шинжлэх ухаан, нийгэм судлалын мэргэжилтэй. Бизнесийн удирдлагын магистр зэрэгтэй. 

Ажилласан байдал:

• 2005-2013 онд “Монгол Даатгал” ХХК-д хүний нөөц, сургалтын менежер, ерөнхий менежер, тэргүүлэх менежер
• 2013-2016 онд Монгол Ардын намын Намын байгуулалт, стратеги төлөвлөлтийн газар болон нийгэм, эдийн засгийн бодлогын газрын даргаар тус тус ажилласан 
• 2016-2020 онд Үндэсний Статистикийн хорооны дарга
• 2020-2022 оны наймдугаар сарын 30 хүртэл Хөдөлмөр, нийгмийн хамгааллын сайд. 

Хөрөнгө орлогын мэдүүлэг

• Өөрийн орлого-36 сая
• Гэр бүлийн орлого-48.4 сая
• Орон сууц, барилга-646 сая
• Тээврийн хэрэгсэл-55 сая /Мотоцикл/
• Үнэт эдлэл-82 сая
• Хадгаламж-138.7 сая
• Зээл-100 сая