БНХАУ-ын дарга Ши Жиньпин Монгол Улсын ерөнхийлөгч Халтмаагийн Баттулгад баярын цахилгаан илгээж, Монгол улсын Үндэсний их баяр наадамд зориулан мэндчилгээ дэвшүүллээ.

Ши Жиньпин баярын цахилгаандаа "БНХАУ, Монгол Улс хоёр орон бол хаяа хаяагаа дэрлэсэн, элэгсэг дотно сайн хөрш, сайн түнш бөгөөд хоёр орны өндөр зиндааны болон олон салбарын солилцоо, хамтын ажиллагаа урагштай явсаар ирсэн юм. Энэ он гарснаас хойш хоёр тал цар тахалтай тэмцэх чиглэлээр хамтран ажиллаж, хоёр орны найрамдлын шинэ түүхийг бичиж байна. Халдварт тахлын үеэр Ерөнхийлөгч Х.Баттулга та Хятад улсад тусгай айлчлал хийж, сэтгэлийн дэмжлэг болон нандин хандив үзүүлсэн нь жаргал зовлонгоо хамтатгах хоёр орны найрамдлын тод жишээ болсон юм. Би Хятад, Монголын харилцааны хөгжлийг дээд хэмжээнд чухалчлан үзэж, хоёр орны харилцааны хөгжлийн талаар тантай чухал нийтлэг ойлголтод хүрлээ. Хоёр тал улс төрийн харилцан итгэлцлийг бэхжүүлж, ажил хэрэгч хамтын ажиллагааг гүнзгийрүүлэн, Хятад Монголын иж бүрэн стратегийн түншлэлийн харилцааг тасралтгүй хөгжүүлж, хоёр ард түмний сайн сайхан аж амьдрал, бүс нутгийн энх тайван, тогтвортой байдлыг баталгаажуулахад үнэтэй хувь нэмэр оруулахыг хүсэж байна" гэжээ.