“Mr muscle” гэрийн эзэгтэй нарын Монгол дахь нүүр хуудсынхан хүүхэд хэдэн насандаа, ямар ажил хийх боломжтой болохыг судалгаагаар гаргасан байна.

• 2-3 настай хүүхэд нь тоглоомоо хураах, хувцсаа эвхэх, ороо хураах, асгаж бохирдуулсан зүйлээ цэвэрлэнэ.
• 4-5 настай хүүхэд тоос арчих, номын тавиур дээр номоо байршуулах, ширээгээ цэвэрлэх, хана арчих / өмнөх ажил орно / гэх ажлуудыг хийхэд тохиромжтой. 
• 6-7 настай хүүхэд угаалгын өрөөг хөнгөхөн цэвэрлэх, шалаа цэвэрлэх, угаалгын машинаас хувцас гаргах, хоол хийхэд туслах, хувцас эвхэх / Өмнөх ажил орно/ 
• 8-9 настай хүүхэд аяга таваг бие дааж угаах, хоол хийхэд туслах, тоос соруулах, хогоо асгах, гэрийн тэжээвэр амьтнаа асрах, цэцэг услах, шүүгээгээ цэвэрлэх
• 10-12 Настай хүүхдийн хувьд хувцсаа угааж эхлэх, хөнгөн зууш хийх, шалаа угаах , галтогоо, өрөөгөө цэвэрлэх , дүүгээ харах, хөргөгч доторхоо хөнгөн цэтэрлэхэд болно. / Өмнөх ажил орно /
• 13-аас дээш насанд хувцас индүүдэх, гэрлийн чийдэнгээ арчих, оройн хоол бие даан хийх, жорлон банн цэвэрлэх / Өмнөх ажил орно /

Хүүхдэд ингэж тохирох ажлыг нь хийлгэж, гэр орныхоо ажилд оролцуулах нь хүүхдийн төлөвшилд  дараах нөлөөг үзүүлдэг байна. Тухайлбал:

• Багаасаа хариуцлага хүлээж сурна.
• Хийж гүйцэтгэсэн ажил нь бусдад хамааралтай байх тул бусдад анхаарал, халамж тавьдаг болно.
• Тодорхой ажил үйл гүйцэтгэснээр өөртөө итгэх итгэл нь нэмэгдэнэ.
• Тогтмол цагт, тодорхой ажил үүрэг биелүүлснээр хувийн сахилга баттай болоход нөлөөлнө.
• Тодорхой ажил үйл гүйцэтгэж чаддаг болно.
• Өөрийгөө удирдаж сурна.  (Хэдийгээр дургүй байсан ч би үүнийг хийх ёстой гэж)
• Өөрийнхөө цаг зав, боломжийг мэдэрч аяндаа зохицуулж чаддаг болно.