НИТХ-ын 2015 оны сүүлийн хуралдаанаар “Нийслэлд тээврийн хэрэгслийг зориулалтын автомашинаар зөөж шилжүүлэх, түр саатуулах хашаа /байр/ ажиллуулах, үйл ажиллагааны төлбөрийн хэмжээг хэлэлцэж тогтоосон. Энэхүү тогтоолыг энэ сарын 1-нээс эхлэн дагаж мөрдөхөөр баталсан юм.

Тус тогтоолоор нийслэлийн хэмжээнд 08:00-20:00 цагийн хооронд хориглосон гудамж замуудад зогсч, бусдын хөдөлгөөнд саад учруулсан тээврийн хэрэгслийг зөөж шилжүүлэхээр шийдвэрлэсэн. Мөн зориулалтын автомашинаар тээврийн хэрэгсэл зөөж шилжүүлэх төлбөрийг мотоцикл 30 000 төгрөг, суудлын автомашин, микробус, 3,5 тонн хүртэлх жинтэй ачааны автомашин, автобус 60 000 төг, 3,5 тонноос дээш жинтэй том оврын тээврийн хэрэгслийг 90 000 төгрөгөөр зөөж шилжүүлдэг байхаар тогтоосон. 

Түүнчлэн түр саатуулах хашаа /байр/-ны нэг хоногийн төлбөрийг мотоцикл 3000, суудлын автомашин болон 3,5 тонн хүртэлх жинтэй бүх ачааны машин 5000, 3,5 тонноос 24 тонн хүртэлх жинтэй ачааны автомашин болон дунд оврын автобус 10 000, тусгай зориулалтын том оврын тээврийн хэрэгсэл, хүнд механизми 20 000 төгрөг байхаар тус тус баталжээ.

Тээврийн хэрэгслийг зориулалтын автомашинаар зөөж шилжүүлэхдээ заавал замын цагдаагийн албан хаагчийн зөвшөөрлөөр тухайн байршлаас 10 км-ээс дотор зөөж шилжүүлнэ. Зөөж шилжүүлсний дараа 24 цагийн дотор тээврийн хэрэгслээ буцаан авбал түр саатуулах хашаа /байр/ -ны төлбөрөөс чөлөөлөх, түр саатуулах хашаа /байр/, түүний зогсоолын нийт талбайн хэмжээг 2000 м²-аас доошгүй байх, зориулалтын чирэгч, ачигч автомашины нийт тоог 100-аас ихгүй байхаар тогтоолоо. 

Зам тээврийн ослоос урьдчилан сэргийлэх, түгжрэл саатлыг бууруулах зорилгоор 08:00 цагаас 20:00 цагийн хооронд хориглосон газарт зогссон тээврийн хэрэгслийг зөөж шилжүүлэх гудамж замуудыг доорх хүснэгтээс харна уу.

№	Гудамж, зам
1	Энхтайваны өргөн чөлөө
2	Бага тойруу
3	Их сургуулийн гудамж
4	Сүхбаатарын гудамж
5	Ерөнхий сайд Амарын гудамж
6	Анкарагийн гудамж
7	Их тойруу
8	Олимпийн гудамж
9	Сөүлийн гудамж
10	Цэрэндоржийн гудамж
11	Самбуугийн гудамж
12	Эрхүүгийн гудамж
13	Залуучуудын өргөн чөлөө
14	Токиогийн гудамж
15	Нэгдсэн үндэстний гудамж
16	Бээжингийн гудамж
17	Гэндэнгийн гудамж
18	Элчингийн гудамж
19	Чагдаржавын гудамж
20	Содномын гудамж
21	Батмөнхийн гудамж
22	Зоригийн гудамж
23	Баруун сэлбийн гудамж
24	Чойдогийн гудамж
25	Жамъян гүний гудамж
26	Бөхийн өргөөний зүүн талын зам
27	Лааганы гудамж
28	Жигжиджавын гудамж
29	Төмөрчний гудамж
30	Ширэндэвийн гудамж
31	Жуулчны гудамж
32	Энэбишийн өргөн чөлөө
33	Хувьсгалын зам
34	Жалханз хутагт Дамдинбазарын гудамж
35	Дилав хутагт Жамсранжавын гудамж
36	Хасбаатарын гудамж
37	Эх нялхсын төв гудамж
38	Ард Аюушийн өргөн чөлөө
39	Өргөө гудамж
40	Жасрайн гудамж
41	Замчдын гудамж
42	Хатанбаатар Магсаржавын гудамж
43	Чингүнжавын гудамж
44	Үндсэн хуулийн гудамж
45	Амарсанаагийн гудамж
46	Энгельсийн гудамж
47	Нарны зам
48	Усны гудамж
49	Цагдаагийн гудамж
50	Ногоон нуурын гудамж
51	Алтайн гудамж
52	Чингэлтэйн өргөн чөлөө
53	Дэнжийн мянгын зам
54	Да хүрээ гудамж
55	Шар хадны гудамж
56	Доржийн гудамж
57	Намъянжугийн гудамж
58	Манлай баатар Дамдинсүрэнгийн гудамж
59	Юнескогийн гудамж
60	Нийслэл хүрээ өргөн чөлөө
61	Их Монгол улсын гудамж
62	Чингисийн өргөн чөлөө
63	Зайсангийн гудамж
64	Дунд голын гудамж
65	Гандигийн гудамж
66	Шаравын гудамж
67	Ажилчны гудамж
68	Москвагийн гудамж
69	Өнөр хорооллын гудамж
70	10 дугаар хорооллын туслах зам
71	Хилчдийн гудамж
72	Авто замчдын гудамж
73	Барс худалдааны төвийн хойд талын туслах зам
74	Богд Жавзандамбын гудамж
75	Хуульчдын гудамж
76	Раднаабазарын гудамж
77	Данзангийн гудамж

Хууль зүйн сайдын тушаалаар баталсан “ТЭЭВРИЙН ХЭРЭГСЛИЙГ ЗӨӨЖ ШИЛЖҮҮЛЭХ, ТҮР СААТУУЛАХ ЖУРАМ”-ыг эндээс харна уу.