Үндэсний их баяр наадмын өдрүүдэд уламжлал болсон олон үзвэр, үйлчилгээ явуулдаг билээ. Энэ жилийн баяр наадмаар үзэж болох онцгой үзвэр үйлчилгээний мэдээллийг хүргэж байна.

Наадмын орой залуусын заавал үзэх үзвэрүүд

-Үндэсний цэцэрлэгт хүрээлэнд залуусын хүсэн хүлээдэг “Цав цагаан үдэшлэг” буюу “Silence white” дижи урлагийн шоу долдугаар сарын 12-ны орой 22 цагаас болно.

-Залуус маань энэ зуны наадмаар монгол дээлээр гоёх “Дээлтэй үдэшлэгт” долдугаар сарын 10-ны орой шөнийн гудамжинд бүжиж, уралдаж хэзээч мартахааргүй өнгөрөөх боломжтой юм.

-3D кино үзэхэд тухайн уран бүтээлийг ойроос бүр өөрөө дотор нь байгаа мэт л мэдэрдэг. Тэгвэл долдугаар сарын 11-ний орой 20 цагаас Чингисийн талбайд “Улаанбаатарын үдэш 3D" цэнгүүнд очиж, нэг оройг сайхан өнгөрөөж болно.

Наадмаар өдрүүдэд гэр бүлээрээ заавал үзэх үзвэрүүд 

-Тулгар төрийн 2223, Их монгол улсын 808, Ардын хувьсгалын 93 жилийн ой, Үндэсний их баяр наадмын хүндэтгэлийн тоглолт долдугаар сарын 10-нд соёлын төв өргөөнд 15:00, 18:00 цагуудад тоглогдох болно.

-“Маск продакшины шилдэг хөтөлбөрүүд” хошин урлагийн тоглолтыг долдугаар сарын 9-13-ны өдрүүдэд Монголын үйлдвэрчний эвлэлийн соёлын төв ордонд 19:00 цагаас үзээрэй.

-Монголчуудын уламжлалт соёл түүний дотор үндэстэн ястны дээл хувцас, эд хэрэглэл нь түүх соёлоо гадаад дотоодод сурталчлан таниулж байдаг. Тиймээс ч энэ жил “Дээлтэй Монгол” наадам 11 дэх жилдээ болох гэж байна. Үүнд оролцож байгаа найз нөхдийгөө дэмжин, үндэснийхээ дээлээрээ бахархахыг хүсвэл долдугаар сарын 10-ны өдөр 14:00-18:00 цагийн хооронд Чингисийн талбайд очиход болно.

Наадмаар өдрүүдэд хүүхдүүддээ заавал үзүүлэх үзвэр

-“Могжоохон даагатай жогжоохон хүү” хүүхэлдэй жүжгийг Хүүхэлдэйн театрынхан энэ жил багачуудад зориулан туурвиж байна. Уг тоглолтыг хүүхдүүддээ үзүүлэх бол долдугаар сарын 12-нд 14:00, 16:00 цагуудад хүүхэлдэй театрт очих юм.

Наадмаар өдрүүдэд ахмадуудын заавал үзэх үзвэр

-Монголын манделин хөгжимчдийн холбооноос ахмадуудад зориулсан тоглолт Чингисийн талбайд долдугаар сарын 11-ны 18:00 цагт болно.

Бусад үзвэрүүд

-“Монголын сайхан орон” үзэсгэлэн долдугаар сарын 10-19-ны өдрүүдэд 10:00-18:00 цагт Монголын урчуудын эвлэлийн үзэсгэлэнгийн танхимд болно.

-Мөн “Дэлхийд гайхагдсан монгол урлаг” тоглолт долдугаар сарын 13-нд 18:00, 20:00 цагуудад болох юм.

-Морьтон Монголчууд “Морин спортын үзүүлэх тоглолт” долдугаар сарын 12-ны 07:50-08:20 цагт болно.

-Мөн энэ өдрийн өглөө 09:00 цагт Шүхрийн буултын үзүүлбэрийг үзэх боломжтой.