20-иод насны амьдралаа өөртөө эргэлзэх, цагийг дэмий өнгөрөөх, ашиггүй ажил хийх зэргээр туулж өнгөрүүлэх нь элбэг. Тэгвэл та хэзээ нэгэн цагт алдартнууд энэ насандаа юу хийж явсан бол гэж бодож байсан уу. Тэр дундаа, Монголын улс төр, урлаг соёлын нөлөө бүхий алдартнууд 20 настайдаа юу хийж байсан бол. Тэдний 20 насны үед одоогийнх шиг цахим ертөнц хөгжиж, бие биетэйгээ ярилцан харилцах боломж байсангүй. Тухайлбал, Ардын жүжигчин Н.Сувд 25 насандаа "Эхлэлт" кинонд анхны гол дүрээ бүтээж , тайз дэлгэцийн урлагтай амьдралаа холбож байсан бол Д.Лувсаншарав 25 насандаа Монгол Улсын гавьяат жүжигчин цол тэмдэг хүртэж байжээ . Амжилтын эхлэл үе гэгддэг энэ л насандаа тэд юу хийж, амжилт ажлын гараагаа хэрхэн эхэлж байсан талаар сонирхуулъя.