Монголын Залуучуудын Холбооноос өрнүүлж буй “Хулгайчгүй Монгол” хөдөлгөөнд Иргэний хөдөлгөөний нам нэгдэхээ илэрхийллээ. Тодруулбал, Хулгайчгүй Монгол Үндэсний Чөлөөлөх хөдөлгөөн нь уг намын зорилго, чиглэлтэй нийцэж байгаа тул Цагаан жагсаалтанд орсон хүмүүсийг намаасаа дэвшүүлэх шийдвэрийг Иргэний Хөдөлгөөний Намын улс төрийн зөвлөлөөс 2016.05.01-ний өдөр гаргасан байна.

Тус шийдвэрийн дагуу “Хулгайчгүй Монгол” Үндэсний Чөлөөлөх хөдөлгөөний хүрээнд зарлагдах улс төрд сонгож болохгүй хүмүүсийн “Хар жагсаалт”-нд орсон этгээдүүдийг намаасаа нэр дэвшүүлэхгүй байх, Иргэний нийгмийн байгууллагуудын төлөөлөл, мэргэжлийн хүмүүсийг нэр дэвшүүлж улс төрд сонгож болох “Цагаан Жагсаалт”-ын хүмүүсийг дэмжин намаасаа нэр дэвшүүллээ.