Иргэдийн өмчлөлийн гарааш, автомашины зогсоолд үл хөдлөх эд хөрөнгийн албан татвар ногдуулж буй асуудлаар олон нийтийн дунд маргаан өрнөж, татвараас чөлөөлөх шаардлага тавигдаад байна. Үүнтэй холбоотойгоор иргэдийн гаргасан өргөдөл 100 мянга давсан бол Засгийн газраас өрхийн хэрэгцээний нэг гарааш, автомашины зогсоолыг татвараас чөлөөлөх хуулийн төсөл боловсруулах чиглэл өгчээ.

Тодруулбал, иргэн О.Батхүүгийн санаачлан E-Zasag цахим системд гаргасан өргөдөл 20 хоногийн хугацаанд 101,097 хүний дэмжлэг авсан байна. Энэ нь тус платформын түүхэнд 100 мянган дэмжигчийн босгыг давсан анхны өргөдөл болжээ.

Өргөдөл гаргагчийн зүгээс гарааш, автомашины зогсоол нь иргэдийн хувьд ашиг орлого олох зорилготой хөрөнгө оруулалт бус, харин автомашинаа цаг агаарын эрс тэс нөхцөлөөс хамгаалах, өдөр тутмын хэрэгцээгээ хангах зориулалттай дэд бүтэц гэдгийг онцолж байгаа юм.

Уг асуудлаар УИХ-ын гишүүн А.Ганбаатар мөн байр сууриа илэрхийлж, 2026 оны эхнээс иргэдээс гараашны татварын нэхэмжлэл гэнэт үүсгэж байгаа талаар татварын байгууллагуудад гомдол, санал олноор ирэх болсон гэв.

УИХ-ын гишүүн А.Ганбаатар: