Засгийн газрын ээлжит хурлаар төрийн үйлчилгээний албан тушаалтны цалингийн доод хэмжээг нэмэх тогтоол гаргаж, цалин олголтын журам болон холбогдох хууль эрх зүйн өөрчлөлт оруулсан байна. Энэ талаар ГБХНХ-сайд Т.Аубакир мэдээлэл өглөө.

2025 оны байдлаар 4330 төрийн байгууллагад 213.6 мянган төрийн албан хаагч   ажиллаж байна. Энд 3644 нь улс төрийн албан хаагч,  20527  нь төрийн захиргааны албан хаагч 49871 төрийн тусгай албан хаагч, үлдсэн нь төрийн үйлчилгээний албан хаагч багтаж байна. Төрийн үйлчилгээний албан хаагчдын цалинг нэмэгдүүлэх төсвийг 2026 оны төсвийн тодотгол хийж, нийт 170.1 тэрбум төгрөг суулгасан. Энэ дагуу Засгийн газраас төрийн үйлчилгээний албан тушаалтны цалингийн доод хэмжээг нэмэх тогтоол гаргаж, цалинг дараах байдлаар нэмэгдэнэ гэж тэрээр танилцуулав.

• Эрүүл мэндийн үйлчилгээний төрийн албан хаагчийн 1-7 хүртэлх албан тушаалын ажилчид 233000-328000 төгрөгөөр нэмэгдсэн цалин авна. Тодруулбал, ТҮЭМ-7 зэрэглэлийн мэргэжилтэн одоо 2 сая 128 мянган төгрөг авч байгаа бол ирэх сарын 1-нээс 328000 мянган төгрөгөөр нэмэгдэж, 2456000 төгрөг боллоо. ТҮЭМ-1 зэрэглэлд багтдаг шил угаагчийн цалин 1516000-1749000 төгрөг болж нэмэгдэнэ. Түүнчлэн хөдөө орон нутагт ажиллаж буй эмч, мэргэлжилтнүүд нийслэлд ажиллаж буй эмчээс орон нутгийн нэмэгдэл гэж 20-40 хувиар илүү цалин авдаг учраас нэмэгдэл харилцан ялгаатай өсөлттэй байна.