“Юбикаб” компаниас тэгш оролцоог дэмжих зорилготой, уламжлал болгон зохион байгуулдаг спортын наадмыг дөрөв дэх жилдээ амжилттай зохион байгууллаа. Долоон өдрийн турш үргэлжилсэн энэ удаагийн наадамд нийт 573 тамирчин оролцож, спортын 10 төрөлд авхаалж самбаа, ур чадвараа сорин өрсөлдөв.

Тэмцээний хүрээнд сагсан бөмбөг, волейбол, багийн e-sport, шатар, ширээний теннис, тэргэнцэртэй сэлэм зэрэг спортын төрлөөр тэмцээн зохион байгуулсан байна. Жил ирэх тусам спортын төрлөө нэмэгдүүлж, оролцогчдын хамрах хүрээ, хүртээмжийг сайжруулж буйгаараа онцлог юм.

Мөн олон улсын тэмцээнд Монгол Улсаа төлөөлөн оролцдог тамирчид ч Юбикаб компанид нэгдэн хөдөлмөр эрхэлж, спортын амжилтаа ахиулж байна. Энэ нь спортын наадам нь ажилтнуудын оролцоог дэмжихээс гадна тамирчдын ур чадвар, идэвх санаачилгыг хөгжүүлэх боломж бүрдүүлж байгааг харуулж байгаа юм.

Юбикаб компанийн орон нутаг хариуцсан захирал А.Баатад: Юбикабын жолооч нар өдөр бүр иргэдийг зорьсон газарт нь хүргэж, хөдөлгөөнд оролцож, үйлчилгээ үзүүлдэг. Харин спортын наадмын үеэр жолооч нар маань өөрсдөө идэвхтэй хөдөлгөөн хийж, эрүүл амьдралын хэв маягийг хэвшүүлэхийн зэрэгцээ бие биетэйгээ танилцаж, нэг баг хамт олон болж нөхөрлөдгөөрөө онцлогтой.