Өнгөрсөн есдүгээр сард "Rio Tinto"-гийн удирдлагатай хийсэн уулзалтын үр дүнд Монгол Улсын Засгийн газар Оюу толгойгоос 2027 онд анх удаа ногдол ашиг авна гэж тооцоолж байна. Монгол Улсын 2027 оны төсөвт 3 их наяд төгрөгийн ногдол ашгийг аль хэдийнэ суулгажээ. Төсвийг 2.3 их наяд төгрөгийн алдагдалтай буюу 43.6 их наяд төгрөгийн зарлага, 41.3 их наяд төгрөгийн орлоготойгоор төлөвлөсөн. Энэ нь ч мөнгө бодитоор орж ирнэ гэсэн нөхцөлд. Өөрөөр хэлбэл, амласан төлбөрийг тооцсон ч төсвийн цоорхой хэвээр үлдэж байна. Тэгвэл Монголын хувьд ямар ашгийн тухай яригдаж байна вэ?2026 оны есдүгээр сарын 11-нд "Rio Tinto"-гийн гүйцэтгэх захирал Саймон Тротт Монголд айлчилж, Ерөнхий сайд Н.Учралтай хэлэлцээ хийсэн. Үүний үр дүнд талууд Оюу толгой төслийн хувьцаа эзэмшигчдийн гэрээнд оруулах өөрчлөлтийг эцэслэн тохиролцов.
Засгийн газар зардлыг 30 их наяд төгрөгөөр бууруулж чадсан бөгөөд ирээдүйд улсын эдийн засагт үзүүлэх үр нөлөө нь 13 орчим их наяд төгрөг болно хэмээн аль хэдийн мэдэгдсэн. Гэвч эдгээр тоог Засгийн газраас өөр хэн ч баталгаажуулаагүй байна.
Бохирдсон усны төлбөр, мөн Монголын аж ахуйн нэгжийг далай дамнан удирдахаа хэзээ зогсоох вэ гэсэн гол асуултууд хэлэлцүүлгээс бүрмөсөн хасагджээ.
Хүү буурсан ч зээл хэвээр үлдлээ
Зээлийн хүүг өмнөх 6.5 хувиас 4 хувь болгон бууруулж, хүүг цаашид долоон жил тутамд биш, гурван жил тутамд эргэн хянах болжээ. Гэвч асуудал нь зээлийн механизм өөрөө хэвээр үлдсэнд байгаа юм. Ерөнхий сайд өнөөдөр төлөх ёстой зээлийн дарамтыг арилгалгүйгээр ирээдүйн тэрбумуудыг амлаж байна.
