ХХ Азийн наадам Япон улсын Айчи муж, Нагояа хотноо болж, өндөрлөлөө. Хятад 341 медальтайгаар дахин тэргүүлж, Япон өмнөх наадмаас ахиц гарган хоёрдугаар байрт орлоо. Харин Монгол Улс 1 алт, 1 мөнгө, 13 хүрэл, нийт 15 медальтайгаар 27 дугаар байрт жагсав. Тоогоор бол медальтай. Гэхдээ энэ үзүүлэлтийг сүүлийн жилүүдийн амжилттай харьцуулахад Монголын спорт хаана явна вэ гэсэн асуулт зайлшгүй гарч ирнэ.

Японы Айчи, Нагоя хотноо 16 хоног үргэлжилсэн Азийн спортын XX наадам өндөрлөж, тивийн шилдгүүд тодорлоо. Энэ удаагийн наадамд 45 Үндэсний олимпын хорооны 11 мянга гаруй тамирчин 43 спортын 71 төрөлд 469 багц медалийн төлөө өрсөлдөв. Медалийн хүснэгтийг БНХАУ 169 алт, 89 мөнгө, 83 хүрэл, нийт 341 медалиар тэргүүлсэн бол Япон 83 алт, 95 мөнгө, 91 хүрэлтэйгээр хоёрдугаарт, БНСУ 39 алт, 43 мөнгө, 68 хүрэлтэйгээр гуравдугаарт оржээ.

Энд нэг зүйл тод харагдана. Азийн спортын тэргүүлэгч орнууд медалийн тоогоо тогтвортой өсгөхөөс гадна спортын төрөл, тамирчдын өрсөлдөх чадвар, бэлтгэлийн системээ бүхэлд нь хөгжүүлж байна. Япон гэхэд 2023 оны Ханжоугийн наадамд 52 алт, нийт 188 медаль хүртэж байсан бол энэ удаа 83 алт, нийт 269 медаль хүртжээ. Өөрөөр хэлбэл дөрвөн жилийн хугацаанд гэхэд 31 алт, 81 медалиар ахисан үзүүлэлттэй байна.

Харин Монгол Улсын хувьд эсрэгээрээ. Өмнөх наадмуудын амжилтаас ухарсан нь