Ардчилсан намаас долоо хоног бүрийн пүрэв гарагт хийдэг "4:11" мэдээллийн цагаар УИХ-ын гишүүн Л.Мөнхбаясгалан мэдээлэл хийлээ. Тэрээр Аж үйлдвэр, эрдэс баялгийн сайд Г.Дамдиннямыг шатахуун нөөцлөх сав барина гэх нэрээр лоббидон, арилжааны банкуудаар дамжуулан 500 тэрбум төгрөгийн зээл авахад оролцсон хэмээн мэдэгдэж, зээл авсан компаниудын жагсаалтыг танилцуулав.

Тэрээр "Г.Дамдинням сайд Стратегийн ач холбогдол бүхий бүтээгдэхүүний хангамж, нийлүүлэлтийг дэмжих тухай хуулийг өнгөрсөн оны арванхоёрдугаар сарын 12-нд УИХ-аар батлуулж, хуулийн хүрээнд нефть, шатахуун импортолдог компаниудад нөөцийн сав барих зээл олгож эхэлсэн. Монголбанкнаас арилжааны банкуудад олгох зээлийн хүү анх 13.5 хувь байсан бөгөөд банкуудын эрсдэл, шимтгэл нэмэгдэн 18 хувь болсон. Гэвч төсвөөс хүүгийн татаас олгосны дүнд компаниудад 9 хувийн хүүтэй зээл олгосон. Үүнээс гадна зээлийн хүүгийн татаасанд татвар төлөгчдийн мөнгөнөөс буюу улсын төсвөөс 2026 онд 20 тэрбум төгрөг авсан" гэв.

Шатахууны нөөцийн сав авахаар улсаас хөнгөлөлттэй зээл авсан аж ахуйн нэгжүүд:

• Петро хаан ХХК -10 тэрбум