УИХ-ын Байгаль орчин, хүнс, хөдөө аж ахуйн байнгын хорооноос зохион байгуулж буй “Хүнс, хөдөө аж ахуй, хөнгөн үйлдвэрийн салбарт (2008 оноос хойших хугацаанд) төрөөс олгож байгаа дэмжлэг, урамшуулал, Засгийн газраас хариуцан төлж байгаа зээлийн хүүгийн татаас олголтын байдал, хэрэгжилт’’сэдэвт сонсгол өнөөдөр 09:00 цагт зарлагдсан ч гишүүдийн ирц бүрдсэнгүй. 29 гишүүнээс 12 гишүүн ирцэндээ орж 2 цаг гаруй оролцогчдыг хүлээлгэсэн ч ирц бүрдэхгүй, сонсгол явуулах боломгүй болсныг хуралдаан даргалагч, УИХ-ын гишүүн М.Мандхай хэллээ. Тэрээр энэ талаар хэвлэлийн бага хурал хийхээ мэдэгдэв.

Тэрээр "Тэрээр “Байнгын болон дэд хорооны гишүүд олонх хүрэлцэн ирснээр хяналтын сонсголыг хүчинтэйд тооцдог. 29 гишүүнээс 12 гишүүн ирцэд орсон. Хүнс хөдөө аж ахуйн салбарт сүүлийн 18 жилийн хугацаанд татвар төлөгчдийн мөнгөөр зарцуулсан санхүүжилтийг хэрхэн үр дүнтэй зарцуулсан талаар ярилцах байсан ч ирц бүрдсэнгүй. 9 гишүүн, шинжээчид, ажлын хэсэг 150 гаруй хоног ажилласан. Гэтэл хурлыг явуулахгүй, хурлыг хойшлуулах, болиулах саналыг ч гишүүд хэлж байсан. Ирц бүрдүүлэхгүй байх сонирхол зарим бүлэглэлд байна. Ирц бүрдээгүйгээс болж сонсгол үргэлжлэх боломжгүй боллоо” гэлээ.