Нэр бүхий УИХ-ын гишүүд УИХ-ыг тараах санаачилга гаргаж байгаагаа өнгөрсөн 7 хоногт зарласан. Тэгвэл УИХ-ыг тараах талаар УИХ-ын гишүүн Х.Тэмүүжин байр сууриа илэрхийлжээ.Тэрээр “Нэгд, УИХ тарах ёстой гэсэн байр суурь илэрхийлж байгаа гишүүд өөрсдөө УИХ-аас татгалзаад, намайг чөлөөлж өгөөч ээ гэж өргөдлөө өгөх бүрэн эрхтэй. Хоёрт, УИХ тарсан тохиолдолд тэр хүмүүс дахин нэр дэвшиж болохгүй. Учир нь өөрсдөө ажлаа хийж чадахгүй УИХ тарах ёстой гэчихээд тарсны дараа сонгууль болонгуут би УИХ-ын гишүүн больё гэж гарч ирвэл хамгийн увайгүй үйлдвэл. Тэр хүмүүс энэ УИХ ажлаа хийж чадахгүй байна гэж үзэж байна. Энэ УИХ-ын эд эс учраас УИХ байх шаардлагагүй гэж үзэх хэмжээний зоригтой юу гэдгээр харах ёстой. Нөгөө талаар УИХ-ыг тараах байдлаар төрийн Үндсэн хуулийн байгууллагыг гажуулаад гажсан эрх мэдэл дотор тодорхой хүмүүс албан тушаалдаа хугацаагүйгээр үлдэнэ. Дараагийнх дээр бүр олуулаа болоод ороод ирнэ гэж бодож байгаа бол энэ нь Монгол Улсын төрөөр тоглоё гэсэн бодол” гэлээ.
