2026 оны “Алтан бөмбөг” буюу Ballon d’Or шагналын эрэгтэйчүүдийн төрөлд нэр дэвшсэн шилдэг 30 тоглогчийн нэрийг зарлалаа. Өнгөрсөн жилийн ялагч Усман Дембеле, Францын од Килиан Мбаппе, Английн довтлогч Харри Кейн, Испанийн залуу од Ламин Ямал нарын хамтаар найман удаагийн “Алтан бөмбөг”-ийн эзэн Лионель Месси нэр дэвшигчдийн жагсаалтад багтжээ.

39 настай Лионель Месси энэ шагналд 17 дахь удаагаа нэр дэвшиж байгаа бөгөөд найман удаа түрүүлсэн амжилтаараа “Алтан бөмбөг”-ийн түүхэн дэх хамгийн олон түрүүтэй тоглогч юм.

Месси өнгөрсөн улиралд Интер Майами клубын хамтаар MLS цомыг анх удаа хүртэж, 2025 оны MLS-ийн улиралд 29 гоол, 19 гоолын дамжуулалт өгчээ. Мөн тэрээр MLS-ийн хамгийн үнэ цэнтэй тоглогчийн “Landon Donovan MVP” шагналыг хоёр дахь жилдээ дараалан хүртсэн байна. 2026 оны ДАШТ-д Аргентины шигшээ багийн хамтаар финалд шалгарсан Месси тус тэмцээнд найман гоол, дөрвөн гоолын дамжуулалт бүртгүүлсэн бөгөөд ДАШТ-д зургаа дахь удаагаа оролцсон түүхэн амжилт үзүүлсэн.

Харин өнгөрсөн жилийн “Алтан бөмбөг”-ийн эзэн Усман Дембеле ПСЖ-ийн хамтаар амжилттай улирлыг өнгөрүүлж, гол тамирчны нэгээр нэрлэгдэж байна.