Цахим спортын Counter-Strike 2 төрлийн “FISSURE Playground 3” тэмцээн өнөөдөр буюу есдүгээр сарын 8-нд БНХАУ-ын Сүжөү хотноо эхэлнэ. Нийт нэг сая ам.долларын шагналын сантай тус тэмцээнд дэлхийн шилдэг 16 баг өрсөлдөх бөгөөд Монгол Улсыг төлөөлөн The MongolZ болон 5star Esports багууд оролцоно.

The MongolZ баг тэмцээнд урилгаар оролцож байгаа бол 5star баг Азийн бүсийн сонгон шалгаруулалтад түрүүлж эрхээ авсан юм.

FISSURE Playground 3-ын 16 багийг А, В гэсэн хоёр хэсэгт найм, наймаар хувааж, Double Elimination буюу GSL форматаар өрсөлдүүлнэ. Бүх тоглолт BO3 форматаар явагдах бөгөөд хэсэг тус бүрээс гурван баг плей-оффт шалгарна.

A хэсэгт: 9z, 5star, The MongolZ, MIBR, BETBOOM, BIG, G2, Astralis

B хэсэгт: Legacy, magic, FaZe, Alliance, PARIVISION, TYLOO, FURIA, GamerLegion