Непал-Төвөд, Хятадын хил орчимд өнгөрсөн долоо хоногт болсон хүчтэй үерийн улмаас амь үрэгдэгсдийн тоо 1000 давж, хоёр улсад нийт 4400 гаруй хүн сураггүй болоод байна. Непалын гамшигт хамгийн их өртсөн зарим бүсэд аврах багийнхан одоогоор хүрч чадаагүй хэвээр байгаа талаар НҮБ мэдээлжээ.

Харин шинэ тайланд гамшгийг өдөөсөн мөсөн гол нуран унахаас хэдхэн хоногийн өмнө тогтворгүй болсон нь илэрхий байсан гэж дурдсан байна. Тухайлбал, мөсөн голын орчимд бор өнгийн хайлсан ус урсах, хөрсөн болон чулуулгын давхаргад ан цав үүсэх зэрэг өөрчлөлт аль хэдийн ажиглагдсаар байжээ.

Үүний зэрэгцээ гамшгийн голомт орчимд үлдсэн мөсөн голууд хайлах эрсдэлтэй хэвээр байгаа бөгөөд энэ нь цаашид ноцтой аюул дагуулж болзошгүй гэж Хятадын Усны нөөцийн яам анхааруулсан байна.

Гамшгийн дараах эрэн хайх, аврах ажиллагаа үргэлжилж байгаа ч олон зуун хохирогчийн цогцсыг одоогоор таньж тогтоож чадаагүй байна. Непалын эрх баригчид таних боломжгүй болсон хохирогчдыг оршуулах ажил эхлүүлж, сураггүй болсон иргэдийн ар гэрийнхэнтэй холбоо тогтоох ажиллагаа үргэлжилж байна.