Засгийн газрын хуралдаанаар хүнс хөдөө аж ахуйн салбартай холбоотой гурван асуудлыг хэлэлцжээ. Энэ оны ургацын урьдчилсан баланс буюу хавар тариалсан ургацаасаа хэдий хэмжээний ургац авах боломжтой, 2026-2027 онд Монгол Улс гурил, төмс, хүнсний ногоо, махны хэрэгцээгээ хэр хэмжээнд хангах талаар Хүнс, хөдөө аж ахуй, хөнгөн үйлдвэрийн сайд Ц.Идэрбат мэдээллээ. 

Тэрээр “Улсын хэмжээнд 2026 онд хаврын тариалалтаар нийт 370 орчим мянган га талбайд тариалалт хийсэн. Үүнээс 318 мянган га-д улаанбуудай, 13 орчим мянган га-д төмс, 14 орчим мянган га-д хүнсний ногоо, 90 орчим мянган га-д тосны ургамал, 94 орчим мянган га-д малын ногоон тэжээл тариалсан.

Урьдчилсан тооцоогоор нийт 555.3 мянган тонн үр тариа хураан авах төлөвтэй байна. Үүнээс 497 орчим мянган тонн нь улаанбуудай юм. Мөн 168.2 мянган тонн төмс, 220 орчим мянган тонн хүнсний ногоо, 50 мянган тонн тосны ургамал, 201 мянган тонн малын тэжээл авах урьдчилсан баланс гарсан.

Энэ ургацын хэмжээнд үндэслээд ирэх онд Монгол Улс улаанбуудай болон төмсний хэрэгцээгээ 100 хувь хангах боломжтой гэсэн сайн мэдээ байна. Харин хүнсний ногооны хэрэгцээнийхээ ойролцоогоор 70 хувийг дотоодын ургацаар хангах тооцоо гарсан.