Засгийн газрын ээлжит хуралдаан өндөрлөж, хуралдаанаас гаргасан зарим шийдвэрийн талаар Аж үйлдвэр, эрдэс баялгийн сайд Г.Дамдинням, Хүнс хөдөө аж ахуй, хөнгөн үйлдвэрийн сайд Ц.Идэрбат  нар мэдээлэл хийлээ.

Засгийн газрын хуралдаанд гангийн үйлдвэрийн бүтээн байгуулалтыг эхлүүлэн сонгон шалгаруулалтын талаар танилцуулжээ.

Аж үйлдвэр, эрдэс баялгийн сайд Г.Дамдинням: Аравдугаар сар гэхэд сонгон шалгаруулалт хийгээд ондоо багтаад гэрээгээ хийнэ. Гангийн үйлдвэрийн хүчин чадал 1 сая тонн ган үйлдвэрлэнэ. Манай улс жилд 700 мянган гангийн хэрэглээтэй.

Шатахууныг байнга шалгадаг. Хилээр орж ирэхэд, агуулахад буулгахад шинжилдэг. Өчигдөр хяналт шалгалтын бүтцийнхэн шатахуун түгээх станцуудаар явж шинжилгээ хийсэн. Мөн гаалиар орж ирсэн, зарагдсан бараа бүтээгдэхүүний хэмжээг тулгаж шалгана.

14 мянган тонн евро5 АИ92 орж ирээд бүх ШТС-аар түгээсэн. Энгийн АИ92-ыг ОХУ-ын Ангарскийн үйлдвэр манай улсад зориулан үйлдвэрлэдэг. Өнгөрсөн хавраас эхлээд үнэ тасралтгүй нэмэгдэж байна. Энгийн АИ92-ыг энэ сард 50 мянган тонныг өгсөх ёстойгоо өгсөн. Улаанбаатар хотын нэг хоногийн хэрэглээ 1000-12000 тонн байдаг бол сүүлийн 10-аад хоног 1500-1700 тонныг нийлүүлж байна. Орон нутгийн ачилтыг сүүлийн 4 хоног нэмэгдүүлж байна. 330 гаруй суманд хүргэхийн тулд цаг хугацаа хэрэгтэй. Шатахууны штабын пэйж хуудас гарч ямар суманд хэдий хэмжээгээр түгээсэн талаар мэдээллийг хүргэж байгаа. Энэ 7 хоногийн сүүлээр хүндрэлтэй байгаа орон нутагт хүрэхээр ажиллаж байна. Нэгэнт шатахууны хомсдол үүссэн бол бүтэн сар ажиллаж байж тогтворждог.