Apple компани iPhone-ийн ээлжит шинэ загвараа ирэх есдүгээр сард танилцуулах төлөвтэй байгаа ч энэ удаагийн шинэчлэл өмнөх жилүүдээс өөр байж магадгүй. Сүүлийн үеийн мэдээллүүдээр Apple iPhone-ийн шинэ загваруудыг нэг дор биш, хоёр үе шаттай худалдаанд гаргах төлөвтэй байгаа аж.

Одоогоор хамгийн их яригдаж буй хувилбараар iPhone 18 Pro болон iPhone 18 Pro Max, мөн Appleанхны эвхэгддэг iPhone-ийг 2026 оны есдүгээр сард танилцуулах бололтой. Харин энгийн iPhone 18 болон iPhone 18e загваруудыг 2027 оны хавар танилцуулах төлөвтэй байна.

Apple эдгээр мэдээллийг албан ёсоор батлаагүй бөгөөд шинжээчид болон технологийн хэвлэлүүдийн мэдээлэлд үндэслэсэн дараах таамгийг бэлтгэлээ.

A20 Pro чип: 2 нанометрийн эрин эхлэх үү

iPhone 18 Pro-ийн хамгийн том шинэчлэлийн нэг нь шинэ A20 Pro процессор байх төлөвтэй байна. Уг чипийг TSMC-ийн 2 нанометрийн технологиор үйлдвэрлэх тухай мэдээлэл гарсан ба энэ нь Apple-ийн iPhone-д ашиглах анхны 2 нм процессор болж магадгүй юм.