Цахим спортын дэлхийн цом буюу “Esports World Cup 2026” энэ сарын 23-ныг хүртэл үргэлжилнэ. Долоон долоо хоногийн турш зохион байгуулагдах тус тэмцээнд дэлхийн 100 гаруй орны 200 гаруй клуб, хоёр мянга гаруй тоглогч 24 төрлийн тоглоомын 25 тэмцээнд өрсөлдөж байна. Энэ жилийн тэмцээний нийт шагналын сан 75 сая ам.доллар буюу өмнөх жилүүдийнхээс нэмэгдсэн дээд хэмжээний сан болжээ. Үүнээс 30 сая ам.долларыг клубүүдийн аваргын төлөөх өрсөлдөөнд хуваарилах юм.Counter-Strike 2 төрлийн дэлхийн цомын тэмцээн наймдугаар сарын 12–23-нд Парист болж, хоёр сая ам.долларын төлөө дэлхийн шилдэг 32 баг өрсөлдөнө.“Esports World Cup 2026” тэмцээний зохион байгуулагчид Counter-Strike 2-ын төрөлд өрсөлдөх 32 багийг дөрвөн хэсэгт хуваан, сугалааны үр дүнг албан ёсоор мэдээллээ. Хэсэг тус бүрт шууд урилга авсан болон нээлттэй сонгон шалгаруулалтаас эрхээ авсан шилдэг найман баг өрсөлдөх юм. Өнгөрсөн жилийн аварга The MongolZ баг D хэсгээс тоглолтоо эхлүүлэхээр боллоо. Тэдний хэсэгт NAVI, FURIA, paiN Gaming, 3DMAX, magic, 9z, Wildcard зэрэг хүчирхэг өрсөлдөгчид багтсан байна. Манай улсын баг эхний тоглолтоо наймдугаар сарын 12-нд 21:20 цагаас Magic багийн эсрэг хийхээр байна.
