Энэ жил Их Монгол Улс байгуулагдсаны 820 жилийн ой тохиож байгаа учраас долдугаар сарын 9-нд хүндэтгэлийн чуулган хуралдуулахаар болжээ.

Эээ жил Их Монгол Улс байгуулагдсаны тэгш ой тохиож байгаа учраас 1024 бөх барилдуулах хуулийн төслийг УИХ-ын гишүүн П.Сайнзориг санаачлан өргөн барьсан. УИХ хуулийн төслийг хэлэлцэхийг нь дэмжиж, хэлэлцэж байгаа. Тэгвэл хаврын чуулган хаахаас өмнө тус хуулийн төслийг батлахгүй гэдгийг УИХ дахь МАН-ын бүлгийн дарга Ж.Батжаргал хэлсэн. Хэрвээ П.Сайнзориг гишүүний санаачилсан хуулийг УИХ батлахгүй бол энэ жил 1024 бөх барилдуулах боломжгүй. Харин тэгш ойд зориулан хүндэтгэлийн чуулган хуралдуулахаар болсон байна.

УИХ-ын тухай хуульд хүндэтгэлийн хуралдааныг ямар тохиолдолд хуралдуулах тухай дараах байдлаар заасан байдаг юм.

21.1.Монгол Улсын түүх, тусгаар тогтнол, бүрэн эрхт байдалтай салшгүй холбоотой түүхэн ой, үйл явдлыг тэмдэглэх, түүнчлэн гадаад улсын өндөр дээд зочин нэгдсэн хуралдаанд үг хэлэх бол хүндэтгэлийн хуралдаан зарлан хуралдуулж болно.

21.2.Улсын Их Хурлын дарга хүндэтгэлийн хуралдаан хуралдуулах тухай захирамж гаргана гэж заасан байдаг.

Хүндэтгэлийн чуулганаар ямар нэгэн асуудал хэлэлцэхгүй бөгөөд Ерөнхийлөгч, Ерөнхий сайдаас гадна манай улсад суугаа Онц бөгөөд бүрэн эрхт Элчин сайдууд оролцдог уламжлалтай.