Дэлхийн загварын ертөнцийн хамгийн том, хамгийн нөлөө бүхий арга хэмжээ болох Met Gala 2026 Нью-Йорк хотноо болж, “Fashion Is Art” сэдвийн дор оролцогчид илүү урлаг, уран зургийн агууламжтай бүтээлч шийдэл гаргалаа. Хувцаслалт, нүүр будалт, үс засалт бүгд нэгэн төрлийн “дүр” бүтээж, оролцогч бүр өөрийн гэсэн урлагийн бүтээл болон хувирсан байна.

Жил бүр “Metropolitan Museum of Art”-д зориулан зохион байгуулагддаг энэхүү үдэшлэг нь зөвхөн хандивын арга хэмжээ биш, харин загвар, соёл, урлагийн нэгдэл гэдгээрээ онцлог юм. Загварын ертөнцийн хамгийн нэр хүндтэйд тооцогддог энэхүү арга хэмжээ нь Vogue сэтгүүлийн дэмжлэгтэйгээр зохион байгуулагддаг юм.

Энэ жилийн улаан хивсний ёслолын гол онцлог нь өвөрмөц шийдлүүд уламжлалт гоо сайхны ойлголтыг эвдэж, шинэ стандарт тогтоох оролдлого тод харагдсан юм.

"Met Gala 2026"-ийн хамгийн их анхаарал татсан гоо сайхны тренд бол bleached brows буюу хөмсгөө цайруулж, бараг харагдахгүй болгох хэв маяг байв. Энэхүү трендийг Кайли Женнер, Эмма Чемберлен, Женни зэрэг одод сонгосон нь сошиал сүлжээнд өргөн хэлэлцүүлэг үүсгээд байна. Зарим фен энэ төрхийг “ирээдүйн гоо сайхан” гэж тодорхойлсон бол зарим нь хэт этгээд гэж шүүмжилжээ.