Европын Counter-Strike 2-ийн чансааны топ 40-д бичигдэж буй BC.Game баг бүрэлдэхүүндээ өөрчлөлт хийж, буриад тоглогч “nocriес” буюу Б.Майдарыг IEM Atlanta тэмцээний өмнө сэлгээний тоглогчоор зарлалаа.

BC.Game багийн гүйцэтгэх захирал Aли анх стримийн үеэрээ энэ мэдээллийг хуваалцсан бөгөөд удалгүй баг албан ёсоор баталгаажуулсан байна. Ингэснээр “nocriес” нь IEM Atlanta тэмцээнд оролцох боломжтой болж, олон улсын тавцанд өөрийгөө дахин харуулах том боломж нээгдлээ.

19 настай Б.Майдар өнгөрсөн оны аравдугаар сард FACEIT платформын “integrity” шалгалтыг амжилттай давж, cheat ашиглаагүй гэдгээ баталгаажуулан Хойд Америкийн шилдэг залуу тоглогчдын нэгээр нэрлэгдэж байсан. Гэвч сүүлийн хугацаанд тэрбээр FPL тоглолтуудаас бусдаар харьцангуй нам гүм байсан юм. “IEM Atlanta” тэмцээний өмнө BC.Game баг Хойд Америкийн бүсээс сэлгээ тоглогч хайж байсан бөгөөд тус бүс нутагт суралцаж буй “nocriес”-ийн хувьд энэ нь карьераа ахиулах чухал боломж болж байна.