УИХ-ын нэгдсэн чуулганы өнөөдрийн хуралдаанаар Ерөнхийлөгчийн өргөн барьсан УИХ-ын дэгийн тухай хуульд нэмэлт, өөрчлөлт оруулах хуулийн төслийг хэлэлцэх, эсэх санал хураалт явуулах байсан.

Тэгвэл тус хуулийн төслөөр УИХ дахь АН-ын бүлэг нэг хоногийн завсарлага авах санал гаргаж, УИХ-ын дарга нэг хоногийн завсарлага өглөө. Ингэснээр тус хуулийн төслийн хэлэлцэх, эсэх санал хураалтыг ирэх 7 хоногийн пүрэв гарагт хийхээр болов.

УИХ дахь АН-ын бүлгийн дэд дарга Х.Тэмүүжин "АН-ын ҮБХ-ны хурал дуусаагүй, манай гишүүдийн ирц хангалтгүй байна. Ерөнхийлөгчийн өргөн барьсан хуулийг нэг талаасаа парламентыг хариуцлагатай болгох, нөгөө талаасаа парламентын дархлаа болон ардчиллыг эмзэг байдалд оруулна гэсэн шүүмж нэлээд өрнөж байгаа. Тиймээс гишүүдийн ирцийг сайжруулаад, биечлэн өөрсдөө оролцож, саналаа өгөх боломжийг хангах үүднээс энэ асуудлаар АН-ын бүлэг нэг хоногийн завсарлага авч байна" гэлээ.